APENDISE
Pagkilala ha ‘Babilonya nga Daku’
AN LIBRO nga Pahayag may-ada mga pulong nga diri angay sabuton ha literal nga paagi. (Pahayag 1:1) Pananglitan, gin-uunabi hito an usa nga babaye nga may ngaran nga ‘Babilonya nga Daku’ nga nakasurat ha iya agtang. Ginsisiring nga ini nga babaye nalingkod ha bawbaw han “kadam-an, ngan mga nasud.” (Pahayag 17:
Ha Pahayag 17:
An usa nga imperyo mahimo nga politikal, komersyal, o relihiyoso. An babaye nga ginngaranan nga Babilonya nga Daku diri politikal nga imperyo tungod kay an Pulong han Dios nasiring nga “an kahadian ha tuna,” o an mga elemento ha politika hini nga kalibotan, “nakighilawas” ha iya. An iya pakighilawas amo an iya pakig-alyansa ha mga magmarando hini nga tuna ngan nagpapatin-aw ini kon kay ano nga tinatawag ito nga an “daku nga puta.”
An Babilonya nga Daku diri mahimo nga komersyal nga imperyo tungod kay an “mga magbaraligya ha tuna,” nga nagrirepresentar ha mga elemento han komersyo, mabibido hinduro ha panahon han iya kabungkagan. Ha pagkamatuod, an kahadian ngan an mga magbaraligya pariho iginhuhulagway sugad nga nagkikita ha Babilonya nga Daku tikang “ha hirayo.” (Pahayag 18:
An relihiyoso nga pangirilal-an han Babilonya nga Daku ginpaparig-on pa gud han asoy nga hiya naglilimbong ha ngatanan nga mga nasud pinaagi han iya “espiritistiko nga buhat.” (Pahayag 18: