BHAIBHERI aritibvuji njiku yo kubahwa ka Jesu. Ngo kudaro, irona rinotipekeja mbhejiso yakavanga yo kuti aazivi kubahwa mu mweji wa Mbuji.

Rangariranyi mugariro wo kunja pa nguva yondhoyo yo gore mu Bheterehema, kwakabarihwa Jesu. Mweji wo ciJudha wa Kisrebvi (unozwirana no mweji wa Cikowe no wa Mbuji) wainga mweji waithondhora zve waina nbvura. Mweji waitevera wainga wa Tebheti (mweji wa Mbuji na Zvita). Ndiwona waitondhora maningi pa gore, zve waiita mbhute mu ndau jakakwirira. Ngativone zvinonanga Bhaibheri ngo mugariro jo kunja mu muthudhumo.

Mutari wo Bhaibheri anozwi Esdra anokhombija zvokadi kamare kuti Kisrebvi wainga mweji waizivikana kuti waitondhora zve waina. Pakupera kunanga kuti vandu vazinji vainga vaungana mu Jerusalema “mu mweji wo cipfumbamwe [Kisrebvi] pa njiku yo makumaviri yo mweji” Esdra wakapa ripoti kuti  vandhu “vaindhyandhya ngo mbvura yaina.” Ngo pamusoro po mugariro wo kunja o mu nguva yo gorero, vandhu vainga vakaungana vakati: ‘tiri mu mukuvo wo nbvura, atikwanisi kugara pa banje.’ (Esdra 10:9, 13; Jeremia 36:22) Azvishamaisi kuti vahavisi vairarama mu divi rondhoro ro nyika vainga no cokwadi cokuti ivona no mushambi javo jo zvifuyo avacaigarepi kunja usiku mu mweji wa Mbuji!

Kaveta Bhaibheri rinonanga kuti vahavisi ava, vainga vari kubani vecingwarira mushambi yavo yo mabvuta mu usiku hwo kubahwa ka Jesu. Zvokadi, Ruka, mutari wo Bhaibheri, wakavonesa kuti pa nguva iyi, vahavisi “[“vaigara kubani,” NM] vecirindira mixambi yavo no usiku” phedo no Bheterehema. (Luka 2:8-12) Vonanyi kuti vahavisi ava vaigara ngeyo, kuciripi kufamba kwendeyo njiku no njiku. Ivona vainga no mushambi yavo no usiku. Masoko aya o kugara kubani ano wirirana no nguva yo kutondhora no yo kuna yo ku Bheterehema mu mweji wa Mbuji here? Haiwa, azviwirirani. Mugariro wo nguva yakabahwa Jesu, unovonesa kuti iyena aazivi kubahwa mu mweji wa Mbuji. *

Soko ra Mwari rinonasa kutibvunja kamare njiku yakafa Jesu, asi irona rinopekeja masoko mashoma basi ngo pamusoro po nguva yaakabahwa. Izvi zvinotirangarijisa magama a Mambo Soromoni o kuti: “Zina rakanaka riri nane kupinda mafuta anonuhira; njiku yo kufa kupinda njiku yo kubahwa.” (Mucumaeri 7:1) Waro izvi azvitikahamaji, kuti Bhaibheri ritipekeje masoko mazinji ngo pamusoro po kubahwa ka Jesu, mushando wake zve no kufa, asi rotipekeja masoko mashoma basi ngo pamusoro po nguva yaakabahwa.