PENE 3
Inangaro i te Aronga ta te Atua e Inangaro Ra
“Ko tei kapiti katoa i tona aerenga ki to te aronga pakari ra, ka pakari katoa ïa.”—MASELI 13:20.
1-3. (a) Eaa te tuatua tika taka meitaki ta te Pipiria e akakite maira? (e) Akapeea tatou me iki i te au oa te ka riro ei akakeuanga meitaki ki runga ia tatou?
I TETAI tu mei te vavai rai te tangata; ka rauka i te vavai i te ngote mai i te vai i tetai ua atu ngai, e mei tera rai te tangata, ka rauka ia ratou i te tamou mai i te au apinga ta ratou e kite ra. Noatu kare tatou e kite ana, e mea māma ua ia tatou i te tamou mai i te au tu, te au turanga, e te au peu a te aronga e piri ua ana tatou.
2 Te akakite maira te Pipiria i tetai tuatua tika taka meitaki ua i te na ko anga e: “Ko tei kapiti katoa i tona aerenga ki to te aronga pakari ra, ka pakari katoa ïa: ko tei kapiti ra ki te aronga neneva ra, e mate ïa.” (Maseli 13:20) Kare teia irava e tuatua ra no runga i tetai kapitianga poto ua. Ko te tuatua, “kapiti katoa i tona aerenga,” te akataka maira te reira i te tu pirianga rave matauia. I te tuatua anga no runga i teia irava, akakite tetai tataanga no runga i te Pipiria e: “Ko te aaere kapiti e tetai tangata, te o maira te inangaro e te pirianga ki tera tangata.” Kare ainei koe e akatika e e aru ana tatou i te tu o te aronga e inangaro ana tatou? Ae, no te mea e piri ana to tatou manako ki te aronga e inangaro ana tatou, ka piri mai rai to ratou tu meitaki me kore to ratou tu kino ki runga ia tatou.
3 E rauka ai kia noo tamou i roto i te aroa o te Atua, e mea puapinga kia kimi tatou i te au oa te ka akakeu ia tatou kia rave i te au mea meitaki. Akapeea tatou me rave i te reira? Kia inangaro tatou i te aronga ta te Atua e inangaro ra, e kia akariro i tona au oa ei au oa no tatou. Akamanako ana i te reira. Koai ma ra oki te au oa meitaki e akaari ra i te au tu ta Iehova e inangaro maira i roto i tona au oa? Ka kimi marie ana tatou i te tu tangata e inangaroia ra e te Atua. I na kua taka meitaki ia tatou to Iehova manako, teianei ka rauka ia tatou i te iki i te au oa te ka riro ei akakeuanga meitaki ki runga ia tatou.
TE ARONGA TA TE ATUA E INANGARO MAIRA
4. Eaa to Iehova tikaanga kia iki e koai te ka tau ei oa nona, e eaa te tumu i kapiki ei a Iehova ia Aberahama e ko “toku oa”?
4 No runga i te pirianga oa, e iki ana a Iehova i te aronga ua tei tau kia riro ei oa nona. E tikaanga tona kia akapera me kare ainei? Ae, no te mea koia te Atu Ngateitei o te ao katoa e pini ua ake, no reira e tikaanga ngateitei tikai kia riro ei oa nona. Koai ma i reira tana e iki ana ei au oa nona? E akapiri vaitata ana a Iehova ki te aronga tei irinaki i roto iaia, e tei tuku i to ratou akarongo ki roto iaia. Ei akaraanga, e akamanako ana ia Aberahama, e tangata teia tei kite matauia no tona tu akarongo mou. Kare e timataanga maata atu no te akarongo o tetai metua, kia patiia mai kia oronga i tana tamaiti ei atinga. * No te mea e akarongo mou tikai to Aberahama e “e tika i te Atua kia akatu mai iaia [ia Isaaka] mei te mate,” kua papa ua iora a Aberahama i te oronga ia Isaaka. (Ebera 11:17-19) No to Aberahama akarongo mou e te tu akono, kua kapiki iora a Iehova iaia ma te akaperepere e ko “toku oa.”—Isaia 41:8; Iakobo 2:21-23.
5. Eaa ra to Iehova manako no runga i te aronga e akarongo tiratiratu ra kiaia?
5 Kia Iehova, e mea puapinga maata te tu akarongo tiratiratu kiaia. E mea akaperepere nana te aronga tei akariro i te tu tiratiratu kiaia ei mea mua i roto to ratou oraanga. (E tatau ia 2 Samuela 22:26.) Mei ta tatou i kite i roto i te Pene 1 o teia puka, e mea rekareka na Iehova te aronga tei iki kia akarongo kiaia no to ratou inangaro iaia. “Tei te aronga tuatua-tika ra tana muna,” e karanga ra a Maseli 3:32. Te aronga tei akono tiratiratu i te au umuumuanga a te Atua, e patianga manea ta ratou no ko mai ia Iehova: Ka riro ratou ei manuiri nana i roto i tona “puakapa”—kia akamori iaia, e kia pure kiaia i tetai ua atu taime.—Salamo 15:1-5.
6. Ka akapeea tatou i te akaari anga i to tatou inangaro no Iesu, e eaa ra to Iehova manako no te aronga tei inangaro i tana Tamaiti?
6 E akaperepere ana a Iehova i te aronga e inangaro ra i tana Tamaiti anau tai ko Iesu. Akakite a Iesu e: “Kia anoano mai te tangata iaku ra, ka akono ïa i taku tuatua: e ka akaperepere mai oki taku Metua iaia, e aere atu oki maua kiaia ra, ka noo tikai ki ona ra.” (Ioane 14:23) Ka akapeea tatou i te akaari anga i to tatou inangaro no Iesu? Na te akono anga i tana au akauenga, tei kapiti mai i te tutu aere anga i te tuatua meitaki e te akariro anga i te tangata ei pipi. (Mataio 28:19, 20; Ioane 14:15, 21) Te akaari katoa ra tatou i to tatou inangaro no Iesu me ‘aru tatou i tona takainga vaevae’ na te tauta pakari anga i te akaata mai i tona tu na roto i ta tatou tuatua e ta tatou au peu. (1 Petero 2:21) E mareka ana to Iehova ngakau i te aronga e akakeuia ra e to ratou inangaro no tana Tamaiti kia aru i tona takainga vaevae.
7. Eaa ra i meitaki ei kia akariro i to Iehova au oa ei au oa no tatou?
7 Te au tu ta Iehova e umuumu maira i roto i Tona au oa koia oki, ko te akarongo, te tu tiratiratu, te tu akono e te inangaro ia Iesu e tona au turanga. E mea meitaki kia ui tatou tataki tai kia tatou uaorai e: ‘Te akaari maira ainei toku au oa piri tikai i taua au tu ra? Te akariro ra ainei au i to Iehova au oa ei au oa noku?’ E mea tau kia akapera tatou. Te aronga e akatupu ra i te au tu ta Iehova e umuumu maira e te tutu maroiroi ra i te tuatua meitaki o te Patireia, ka riro to ratou tu ei mea puapinga kia tatou, e ei akakeu ia tatou kia akatupu i to tatou akakoroanga kia akamareka i te Atua.—Akara i te pia “ Eaa ra te oa Meitaki?”
APII MEI TETAI AKARAANGA PIPIRIA
8. Eaa taau mea reka no runga i te pirianga i rotopu ia (a) Naomi e Ruta? (e) te au mapu Epera toko toru? (ng) Paulo e Timoteo?
8 E maata te au akaraanga a te Pipiria no te aronga tei puapingaia no te mea kua iki ratou i te au oa memeitaki. Ka rauka ia koe i te tatau no runga i te pirianga i rotopu ia Naomi e tana unonga ko Ruta, i rotopu i te au mapu Epera toko toru i Babulonia tei Ruta 1:16; Daniela 3:17, 18; 1 Korinetia 4:17; Philipi 2:20-22) Ka akamou ra tatou ki runga i tetai akaraanga umere tikai: ko te pirianga oa i rotopu ia Davida e Ionatana.
akamou i tetai pirianga oa ngaueue kore, e i rotopu ia Paulo e Timoteo. (9, 10 I akatumuia te pirianga oa o Davida raua ko Ionatana ki runga i teaa?
9 Te karanga ra te Pipiria e i muri ake i to Davida tamate anga ia Golia, “piri rava akera te ngakau o Ionatana ki te ngakau o Davida, aroa aturā Ionatana iaia.” (1 Samuela 18:1) Ko teia te akamataanga o tetai pirianga oa mou tikai noatu te aka tuke i rotopu i to raua mataiti, e tae ua atu ki te mate anga a Ionatana i te ngai tamaki. * (2 Samuela 1:26) Eaa ra te tumu i ngaueue kore ei te pirianga i rotopu i teia nga oa?
10 No to raua inangaro i te Atua e to raua anoano ngaueue kore kia vai tiratiratu kiaia, i mou ei te pirianga i rotopu ia Davida raua ko Ionatana. Riro katoa te anoano maata i te akamareka i te Atua ei taokotai ia raua. Kua akaari raua i te au tu akaperepere no tetai e tetai. Kare e ekoko e kua umere a Ionatana i te tu ngakau toa e te maroiroi o teia mapu tane i te paruru mataku kore i te ingoa o Iehova. Papu rai e kua akangateitei a Davida ia Ionatana, tei turu tiratiratu i ta Iehova au akanoonooanga, e kua tuku aia i to Davida au anoano na mua i tona uaorai. Ei akaraanga, akamanako ana i te taime e noo tuitarere 1 Samuela 23:16) E akamanako ua ana e mei teaa ra to Davida manako i te aere mai anga tona oa akaperepere i te tauturu e te akamaroiroi iaia! *
ra a Davida i te metepara kia kore aia e tamateia e te Ariki ko Saula, te metua o Ionatana. No tona tu tiratiratu kia Davida, kare a Ionatana i tavarevare ana, mari ra kua ‘aere atura aia ki taua vaorakau ra kia Davida, e kua akamaroiroi atura iaia no runga i te Atua.’ (11. Eaa te apiianga i mou mai ia koe mei te akaraanga o Ionatana e Davida no runga i te pirianga oa?
11 Eaa te apiianga i mou mai ia tatou mei te akaraanga o Ionatana e Davida? Te apiianga puapinga roa atu no te au oa koia oki, kia riro ei au oa no te Atua. Me piri tatou ki te aronga tei aiteite ua to tatou Roma 1:11, 12) Ka kite tatou i taua au tu taeake tiratiratu i rotopu i te au oa akamori. Inara, ko te aiteanga ainei i reira e, e au oa meitaki pouroa te au tangata e aere maira ki te Are Uipaanga Patireia? Kare.
irinakianga, au kaveinga no te mea tika e te mea tarevake, e te anoano ra kia vai tiratiratu ki te Atua, ka akapumaana kapitiia tatou, ka akamaroiroiia e ka akamatutuia. (E tatau iaME IKI I TO TATOU AU OA PIRI TIKAI
12, 13 (a) Eaa tatou ka tau ei kia iki meitaki i to tatou au oa i rotopu i te au oa Kerititiano? (e) Eaa te au tu tau kore tei tupu ana i roto i te au putuputuanga i te anere mataiti mua, e eaa te au akamatakiteanga ta te reira i akakeu ia Paulo kia oronga?
12 I roto i te putuputuanga, ka tau tatou kia iki meitaki i te au oa te ka tauturu ia tatou i te akaketaketa i to tatou pirianga kia Iehova. Ka poitirere ainei tatou i teia? Kare. Tetai au Kerititiano i roto i te putuputuanga ka roa rai e rauka ai te akatupu i tetai pirianga ketaketa kia Iehova, mei te ua o tetai tumu rakau, ka roa rai e para ai tetai pae. No reira i roto i te au putuputuanga ravarai, tuke tuke te tupu anga o te au Kerititiano i roto i te akarongo. (Ebera 5:12–6:3) Ka inangaro tatou i te tauturu ia ratou kia matutu, no reira kia akaari tatou i te tu akakoromaki e te aroa no te aronga ou e te aronga kare e maroiroi roa ana.—Roma 14:1; 15:1.
13 Tetai taime, penei ka tupu tetai turanga i roto i te putuputuanga te ka anoanoia tatou kia matakite no runga i te aronga ka piri atu tatou. Penei ka o tetai aronga ki roto i te au peu tau kore. E penei ka akatupu etai atu i te tu makitakita me kore i te tu akaapaapa. Kua tupu ana taua au tu tau kore i roto i te au putuputuanga i te anere mataiti mua T.N. Te maataanga i te 1 Korinetia 15:12, 33) Kua akamatakite katoa atu a Paulo ia Timoteo e te vai ra tetai aronga tu tika kore i rotopu i te au oa Kerititiano. Kua akakiteia kia Timoteo kia akaatea mai mei taua aronga ra, eiaa e akariro ia ratou ei au oa piri tikai nona.—E tatau ia 2 Timoteo 2:20-22.
au mema e aronga tiratiratu ratou, kareka tetai pāpāki kare e tau ana to ratou tu. No te mea kare tetai aronga i roto i te putuputuanga i Korinetia e ariki ana i tetai au apiianga Kerititiano, kua akamatakite atu te apotetoro a Paulo i te putuputuanga e: “Auraka e vavare; e kino te tuatua meitaki i te kapiti anga kikino.” (14. Akapeea tatou me taangaanga i te kaveinga o ta Paulo akamatakiteanga no runga i te aronga ka piri atu tatou?
14 Akapeea tatou me taangaanga i te kaveinga o te au akamatakiteanga a Paulo? Eiaa e piri atu ki tetai ua atu—i roto e i vao ake i te putuputuanga—te ka riro ei akakeuanga kino ki runga ia tatou. (2 Tesalonia 3:6, 7, 14) Kia paruru pakari tatou i to tatou pirianga kia Iehova. Mei te vavai rai me tukuia ki roto i te vai repo, kare e rauka ia tatou kia tapapa atu e e vai ma ta te reira ka ngote mai, pera rai me piri tatou ki te aronga angaanga kino, kare e rauka ia tatou kia tapapa atu e e au mea memeitaki ta tatou ka mou mai.—1 Korinetia 5:6.
Ka kite koe i te au oa memeitaki i rotopu i te au oa akamori
15. Eaa taau ka rave e kite ei koe e koai te au oa i roto i te putuputuanga e tauta ra i te akamatutu i to ratou pirianga kia Iehova?
15 Te mea mataora ra, ka kite tatou i te au taeake memeitaki i rotopu i te au oa akamori. (Salamo 133:1) Akapeea koe e kite ei e koai te au oa i roto i te putuputuanga e tauta ra i te akamatutu i to ratou pirianga kia Iehova? Ia koe e akaari ra i te au tu e te au peu e mareka maira te Atua, ka varenga mai te aronga e tauta katoa ra i te akamareka iaia. E kimi katoa koe i tetai au ravenga kia akapiri atu ki tetai au oa ou. (Akara i te pia “ Peea i Rauka ai to Maua au oa Meitaki.”) Kimi i te aronga e akaari ra i te au tu taau e inangaro ra i te akaata mai. Akarongo ki te ako a te Pipiria kia ‘akamaora atu’ e kia akaoa atu ki te au taeake i roto i te akarongo noatu eaa to ratou iti tangata, to ratou enua, e ta ratou peu. (2 Korinetia 6:13; E tatau ia 1 Petero 2:17.) Eiaa e piri ua ki te aronga o toou uaorai uki. Akamaara ia Ionatana, e pakari roa atu aia ia Davida. Ka riro te kite e te pakari o te aronga pakarikari ei akameitaki roa atu i to tatou pirianga oa.
ME TUPU TE MANAMANATA
16, 17 Me akariri mai tetai oa akamori ia tatou, eaa te tumu kare ei tatou e akaruke i te putuputuanga?
16 Penei ka tupu rai te manamanata i roto i te Maseli 12:18) Tetai au taime ka riro to tatou tu, to tatou marama kore, e te manako taokotai kore, ei akatupu i te manamanata. Ka akatika ainei tatou i taua au tu kia akaturori ia tatou e kia akatakake mai ia tatou mei te putuputuanga? Me e inangaro tikai to tatou ia Iehova e te aronga tana e inangaro ra, kare tatou e akapera.
putuputuanga i tetai au taime, no te mea e tukeke te tu o te tangata e to ratou oraanga i utuutuia mai ei. Penei ka tuatua tetai taeake me kore ka rave aia i tetai mea te ka akariri ia tatou. (17 Na Iehova i Anga ia tatou e koia te Tumu o te Ora, kua tau rai e koia ta tatou e inangaro ma te ngakau katoa e koia anake ua ta tatou e akamori. (Apokalupo 4:11) Tetai, e mea tau kia turuturu tiratiratu tatou i te putuputuanga ta Iehova e mareka ra i te taangaanga. (Ebera 13:17) No reira me ka akariri mai tetai oa akamori ia tatou, auraka tatou e akaruke i te putuputuanga ei akaari i to tatou riri. Eaa ra oki tatou ka akapera ai? Kare na Iehova i akariri mai ia tatou. No to tatou inangaro no Iehova, kare rava e rauka ia tatou kia kopae iaia e tona iti tangata!—E tatau ia Salamo 119:165.
18. (a) Eaa ta tatou ka rave kia tupu te au i roto i te putuputuanga? (e) Me iki tatou kia akakore atu i te ara no te mea e tumuanga tau tetai kia akapera, eaa te au akameitakianga ka rauka?
18 Na to tatou inangaro i to tatou au oa akamori e akakeu ia tatou kia akatupu i te au i roto i te putuputuanga. Kare a Iehova e tapapa mai ana i te tu apa kore mei te aronga tana e aroa maira, e kare katoa tatou e akapera. Ka tauturu te aroa ia tatou kia akakore i te au apa rikiriki, e kia akamaara e e aronga apa ua tatou e e tarevake ana rai. (Maseli 17:9; 1 Petero 4:8) Ka tauturu te aroa ia tatou kia ‘akakore ua rai tetai, i ta tetai ara.’ (Kolosa 3:13) Kare i te mea mama i te taangaanga i teia ako. Me akatika tatou kia autu te riri, ka akamoupuku ua atu rai tatou, te manako anga e te tamamae ra tatou i tera tangata me akamoupuku tatou iaia. Inara ko te tikaanga tikai, ka takino te tu akamoupuku ia tatou. No reira me iki tatou kia akakore atu i te ara no te mea e tumuanga tau tetai kia akapera, e akameitakianga maata te ka rauka. (Luka 17:3, 4) Ka oronga mai te reira i te manako e te ngakau au, ka akatupu i te au i roto i te putuputuanga, e tei puapinga roa atu, ka paruru te reira i to tatou pirianga kia Iehova.—Mataio 6:14, 15; Roma 14:19.
TAIME TAU KIA AKAMUTU I TE KAPITI ATU
19. Eaa te au turanga te ka tupu mai e te ka anoanoia tatou kia akamutu i te kapiti atu ki tetai tangata?
19 Tetai au taime ka patiia mai tatou kia akamutu i te kapiti atu ki tetai tei riro ana ei mema no te putuputuanga. E tupu ana teia me akaateaia tetai tangata tataraara kore tei aati i te ture a te Atua, me kore me kopae tetai i te akarongo na te apii aere anga i te au apiianga pikikaa, me kore na te akatakake mai anga iaia mei roto i te putuputuanga. Te akakite tika ua maira te Tuatua a te Atua e “auraka kotou e kapiti atu” ki taua aronga ra. * (1 Korinetia 5:11-13; 2 Ioane 9-11) Penei e mea ngata kia kopae i tetai tei riro ana ei oa, me kore e kopu tangata aia no tatou. Ka vai ngaueue kore ainei tatou kia kite ratou e ko to tatou tu tiratiratu kia Iehova e tana au ture tuatua tika tei maata roa atu? E akamaara e e mea puapinga maata tikai kia Iehova te tu tiratiratu e te akarongo.
20, 21 (a) No teaa i riro ei te akaatea anga i te aronga rave ara ei akanoonooanga takinga meitaki? (e) Eaa ra i puapinga ai kia iki meitaki tatou i to tatou au oa ma te tu pakari?
20 Ko te akanoonooanga no te aronga tei akaateaia ki vao i te putuputuanga, e ravenga takinga meitaki tikai teia na Iehova. No teaa ra? Me akaateaia tetai tangata tataraara kore, te akaari maira te reira i te inangaro akaperepere no to Iehova ingoa tapu, tona au turanga, e no Iehova uaorai. (1 Petero 1:15, 16) Ka riro te akaatea anga i te tangata ara ei paruru i te putuputuanga. Ka paruruia te au taeake tiratiratu mei te akakeuanga kino a te aronga rave akakoro i te ara, ka rauka ia ratou i te rave i ta ratou akamorianga ma te pumaana i te kite anga e ka riro te putuputuanga ei akapuanga mou no ratou i roto i teia ao kino. (1 Korinetia 5:7; Ebera 12:15, 16) Te akaari maira teia akatikatikaanga pakari i te aroa no te tangata tei ara. Penei na teia e akakeu iaia kia ariki e ka anoanoia aia kia taui i tona tu e kia rave i tei anoanoia, kia rauka iaia i te oki mai kia Iehova.—Ebera 12:11.
21 E tika rava e ka riro te au tu e te au peu a to tatou au oa piri ei akakeuanga pakari ki runga ia tatou. No reira e mea puapinga kia iki meitaki tatou i to tatou au oa ma te tu pakari. Na te akariro anga i to Iehova au oa ei oa no tatou, e na te inangaro anga i te aronga ta te Atua e inangaro ra, ka rauka ia tatou te au oa meitaki rava atu. Ta tatou ka tamou mai mei ia ratou, ka riro ei tauturu ia tatou kia akatupu i to tatou akakoroanga kia akamareka ia Iehova.
^ para. 4 Na te pati anga ia Aberahama kia rave i teia, te akatutu maira a Iehova i te atinga tana uaorai ka rave me oronga mai i tana Tamaiti anau tai. (Ioane 3:16) Inara kua tāpu a Iehova ia Aberahama e kua oronga mai i te mamoe toa ei atinga.—Genese 22:1, 2, 9-13.
^ para. 9 E mapu ua a Davida e ‘e tangata ou ua aia’ i te taime i tamate ei aia ia Golia, e mei te 30 ona mataiti i te taime i mate ei a Ionatana. (1 Samuela 17:33; 31:2; 2 Samuela 5:4) Mei te 60 o Ionatana mataiti i mate ei aia, e 30 ona mataiti pakari atu ia Davida.
^ para. 10 I roto ia 1 Samuela 23:17, e rima au apinga ta Ionatana i akamaroiroi atu ia Davida: (1) Akapumaana aia ia Davida e auraka e mataku. (2) Akapapu aia kia Davida e kare e puapingaia ta Saula tautaanga kia tamate iaia. (3) Akamaara atu aia kia Davida e no Davida rai te taoonga ariki mei ta Iehova i taputou. (4) Kua tia aia e ka vai tiratiratu aia kia Davida. (5) Akakite katoa aia kia Davida e kua kite a Saula i te reira.
^ para. 19 No ta tatou ka rave no runga i te aronga tei akaateaia me kore tei akatakake ia ratou, akara i te Au Manako ke Mai, “To Tatou tu ki Tetai Tangata Tei Akaateaia.”