အခန်း ၁၁
‘အိမ်ထောင်မင်္ဂလာကို လေးစားရမယ်’
‘ငယ်ပေါင်းဇနီးနဲ့အတူ ပျော်မွေ့ပါ။’—ပညာအလိမ္မာ ၅:၁၈။
၁၊ ၂။ ဘယ်မေးခွန်းကို သုံးသပ်ကြမလဲ။ ဘာကြောင့်လဲ။
သင်ဟာ အိမ်ထောင်သည်လား။ ဒါဆိုရင် သင့်အိမ်ထောင်ရေး သာယာသလား။ စိတ်ဆင်းရဲစရာ အိမ်ထောင်ရေးပြဿနာတွေ ကြုံနေရသလား။ သင်နဲ့ သင့်အိမ်ထောင်ဖက်ဟာ တဖြည်းဖြည်း စိမ်းကားလာပြီလား။ အဆင်မပြေတဲ့ အိမ်ထောင်သည်ဘဝကို စိတ်ကုန်နေပြီလား။ ဒါဆိုရင် တစ်ချိန်ကရှိခဲ့တဲ့ နွေးထွေးတဲ့ သံယောဇဉ် အေးစက်သွားလို့ သင် ဝမ်းနည်းနေမှာပဲ။ ခရစ်ယာန်တစ်ဦးဖြစ်တဲ့ သင်ဟာ သင့်အိမ်ထောင်အားဖြင့် ချစ်ရတဲ့ဘုရား ယေဟောဝါရဲ့ ဘုန်းတော်ကို ထင်ရှားစေချင်မှာ သေချာတယ်။ သင့်ရဲ့ လက်ရှိအခြေအနေဟာ စိုးရိမ်စရာ၊ စိတ်ဆင်းရဲစရာ ဖြစ်နေမယ်။ ဒါပေမဲ့ မျှော်လင့်ချက် မရှိတော့ဘူးလို့ မယူမှတ်လိုက်ပါနဲ့။
၂ တစ်ချိန်က ခရစ်ယာန်မောင်နှံတချို့ဟာ အတူနေထိုင်ကြပေမဲ့ ဆက်ဆံရေး မကောင်းခဲ့ကြဘူး။ ဒါပေမဲ့ ဆက်ဆံရေး ကောင်းမွန်စေနိုင်တဲ့ နည်းလမ်းကို သူတို့ ရှာတွေ့ခဲ့ကြတယ်။ သင့်အိမ်ထောင်မှာလည်း သာယာချမ်းမြေ့မှုကို ဘယ်လိုနည်းနဲ့ ရှာတွေ့နိုင်သလဲ။
ဘုရားနဲ့ကော အိမ်ထောင်ဖက်နဲ့ပါ ပိုရင်းနှီးလာ
၃၊ ၄။ ဘုရားနဲ့ ရင်းနှီးဖို့ ကြိုးစားမယ်ဆိုရင် အိမ်ထောင်ဖက်နှစ်ဦး ဘာကြောင့် ရင်းနှီးလာမလဲ။ ဥပမာပေးပါ။
၃ သင်နဲ့ သင့်အိမ်ထောင်ဖက်ဟာ ဘုရားနဲ့ ပိုရင်းနှီးလာဖို့ ကြိုးစားရင် သင်တို့နှစ်ဦးလည်း ပိုရင်းနှီးလာလိမ့်မယ်။ ဘာကြောင့်လဲ။ ပုံဥပမာတစ်ခုကို သုံးသပ်ကြည့်ပါ။ အောက်ခြေကျယ်ပြီး ထိပ်ချွန်တဲ့ ကတော့ပုံ တောင်တစ်တောင်ကို မြင်ယောင်ကြည့်ပါ။ တောင်ခြေရဲ့အရှေ့ဘက်မှာ အမျိုးသား ရပ်နေပြီး အနောက်ဘက်မှာ
အမျိုးသမီး ရပ်နေတယ်။ နှစ်ဦးစလုံး တောင်ပေါ် စတက်ကြတယ်။ တောင်ခြေမှာ ရှိတုန်းက သူတို့နှစ်ဦး ဝေးနေကြတယ်။ ဒါပေမဲ့ တောင်ထိပ်ကို ရောက်ခါနီးလေ နှစ်ဦးသား နီးသည်ထက် နီးလာလေပဲ။ ဒီပုံဥပမာကနေ အားရှိစရာ သင်ခန်းစာကို သင် သတိပြုမိသလား။၄ ယေဟောဝါရဲ့ အမှုတော်ဆောင်ဖို့ အစွမ်းကုန်ကြိုးစားတာကို တောင်ထိပ်တက်ဖို့ ကြိုးစားတာနဲ့ နှိုင်းယှဉ်နိုင်တယ်။ သင်ဟာ ယေဟောဝါကို ချစ်လို့ အဲဒီတောင်ကို တက်ဖို့ ကြိုးစားခဲ့တယ်။ ဒါပေမဲ့ သင့်အိမ်ထောင်ဖက်နဲ့ မသင့်မြတ်ဘူးဆိုရင် သင်တို့ဟာ အဲဒီတောင်ပေါ်ကို တစ်ဖက်စီကနေ တက်လာဖို့ ကြိုးစားနိုင်တယ်။ ဆက်တက်လာတဲ့အခါ ဘယ်လိုဖြစ်မလဲ။ အစပိုင်းမှာ သင်တို့နှစ်ဦး အတော်အတန် ဝေးနေကြမယ်။ ဒါပေမဲ့ သင်ဟာ တောင်ထိပ်ကို ကြိုးစားတက်လာလေ၊ တစ်နည်းအားဖြင့် ဘုရားနဲ့ ရင်းနှီးဖို့ ကြိုးစားလေ နှစ်ဦးသား ပိုရင်းနှီးလေ ဖြစ်မယ်။ တ
ကယ်တော့ ဘုရားနဲ့ရင်းနှီးဖို့ ကြိုးစားတာဟာ သင့်အိမ်ထောင်ဖက်နဲ့ ပိုရင်းနှီးစေမယ့် အဓိကအချက်ပဲ။ အဲဒီလိုရင်းနှီးအောင် ဘယ်လို လုပ်ဆောင်နိုင်သလဲ။ကျမ်းစာအသိပညာကို ကျင့်သုံးခြင်းက သင့်အိမ်ထောင်ကို ခိုင်မြဲစေနိုင်
၅။ (က) ယေဟောဝါနဲ့ကော အိမ်ထောင်ဖက်နဲ့ပါ ရင်းနှီးစေနိုင်တဲ့ နည်းတစ်နည်းဟာ ဘာလဲ။ (ခ) အိမ်ထောင်ကို ယေဟောဝါ ဘယ်လိုရှုမြင်သလဲ။
၅ ဘုရားနဲ့ရင်းနှီးဖို့ အရေးကြီးတဲ့ နည်းတစ်နည်းကတော့ သင်နဲ့ သင့်အိမ်ထောင်ဖက်ဟာ အိမ်ထောင်နဲ့ပတ်သက်တဲ့ ကျမ်းစာလမ်းညွှန်ချက်ကို လိုက်နာခြင်းဖြစ်တယ်။ (ဆာလံ ၂၅:၄။ ဟေရှာယ ၄၈:၁၇၊ ၁၈) တမန်တော်ပေါလုပြောတဲ့ လမ်းညွှန်ချက်တစ်ခုကို သုံးသပ်ကြည့်ပါ။ “အိမ်ထောင်မင်္ဂလာကို လူတိုင်း လေးစားရမယ်” လို့ သူပြောတယ်။ (ဟီဘရူး ၁၃:၄) ဘာကို ဆိုလိုသလဲ။ “လေးစား” ဆိုတဲ့ စကားလုံးဟာ တစ်စုံတစ်ရာကို တန်ဖိုးထား လေးမြတ်တာကို ဆိုလိုတယ်။ ယေဟောဝါက အိမ်ထောင်ကို တန်ဖိုးထား လေးမြတ်ရမယ့်အရာအဖြစ် ရှုမြင်တယ်။
ယေဟောဝါကို နှစ်နှစ်ကာကာ ချစ်ခြင်းက သင့်ကို လှုံ့ဆော်ပေး
၆။ အိမ်ထောင်နဲ့ပတ်သက်ပြီး ပေါလုအကြံပေးချက်ရဲ့ ရှေ့နောက်စကားက ဘာကို ဖော်ပြသလဲ။ အဲဒါကို စွဲမှတ်ထားဖို့ ဘာကြောင့် အရေးကြီးသလဲ။
၆ အိမ်ထောင်ဟာ တန်ဖိုးထားရမယ့်အရာ၊ မြင့်မြတ်တဲ့အရာ ဖြစ်မှန်း ဘုရားကိုဝတ်ပြုသူတွေဖြစ်တဲ့ သင်တို့နှစ်ဦးစလုံး သိထားပြီးဖြစ်တယ်။ အိမ်ထောင်အစီအစဉ်ကို ယေဟောဝါကိုယ်တိုင် အစပြုပေးခဲ့တယ်။ (မဿဲ ၁၉:၄–၆ ကိုဖတ်ပါ။) ဒါပေမဲ့ အိမ်ထောင်ရေးပြဿနာ ကြုံနေရရင်တော့ အိမ်ထောင်ကို တန်ဖိုးထားရမှန်း သိရုံနဲ့ အချင်းချင်း ချစ်ခင်လေးစားဖို့ မဖြစ်နိုင်ဘူး။ ချစ်ခင်လေးစားနိုင်ဖို့ သင့်ကို ဘာက လှုံ့ဆော်ပေးမလဲ။ လေးစားမှုပြတာနဲ့ပတ်သက်ပြီး ပေါလုပေးတဲ့ အကြံဉာဏ်ကို အသေအချာ မှတ်သားပါ။ “အိမ်ထောင်မင်္ဂလာဟာ လေးစားစရာပဲ” လို့ ပြောမယ့်အစား “အိမ်ထောင်မင်္ဂလာကို လေးစားရမယ်” လို့ ပြောခဲ့တယ်။ ပေါလုဟာ သူ့အမြင်ကို ဖော်ပြနေရုံလောက်သာ မဟုတ်ဘဲ တိုက်တွန်းနေတာ ဖြစ်တယ်။ * ဒါကို စွဲမှတ်ထားမယ်ဆိုရင် သင့်အိမ်ထောင်ဖက်ကို ပြန်လေးစားလာဖို့ လှုံ့ဆော်မှု ဖြစ်စေနိုင်တယ်။ ဘာကြောင့်လဲ။
၇။ (က) ဘယ်ကျမ်းစာမိန့်မှာချက်တွေကို ကျွန်တော်တို့ လိုက်နာနေကြသလဲ။ ဘာကြောင့်လဲ။ (ခ) နာခံမှုကြောင့် ဘာကောင်းကျိုးတွေ ရလာသလဲ။
မဿဲ ၂၈:၁၉။ ဟီဘရူး ၁၀:၂၄၊ ၂၅) အဲဒီမိန့်မှာချက်တွေကို လိုက်နာဖို့ တစ်ခါတလေ ခက်ခဲနိုင်တယ်။ သင်ဟောပြောတဲ့အခါ လူတွေ အပျက်သဘောနဲ့ တုံ့ပြန်နိုင်တယ်။ လောကအလုပ်မှာ မောပန်းလွန်းလို့ ခရစ်ယာန်အစည်းအဝေးတွေ တက်ဖို့ ခက်ခဲနိုင်တယ်။ ဒါတောင် သင်ဟာ နိုင်ငံတော်သတင်းကို ဆက်ဟောပြောနေပြီး အစည်းအဝေးတွေကို မှန်မှန်တက်နေတယ်။ သင့်ကို ဘယ်သူမှ၊ စာတန်တောင်မှ တားဆီးနိုင်မှာ မဟုတ်ဘူး။ ဘာကြောင့်လဲ။ ယေဟောဝါကို နှစ်နှစ်ကာကာ ချစ်တာက ကိုယ်တော့်မိန့်မှာချက်တွေကို နာခံဖို့ သင့်ကို လှုံ့ဆော်ပေးလို့ပဲ။ (၁ ယောဟန် ၅:၃) ဘာကောင်းကျိုးတွေ ရလာသလဲ။ ဟောပြောခြင်းလုပ်ငန်းမှာ ပါဝင်ပြီး အစည်းအဝေးတွေ တက်ရောက်ခြင်းက သင့်ကို စိတ်ငြိမ်သက်မှု၊ ပျော်ရွှင်မှု ခံစားရစေတယ်။ ဘုရားရဲ့အလိုတော်အတိုင်း လုပ်ဆောင်နေတယ်ဆိုတာ သိထားလို့ပဲ။ အဲဒီခံစားမှုတွေက သင့်ကို အားတက်စေတယ်။ (နေဟမိ ၈:၁၀) ဘာသင်ခန်းစာ ရသလဲ။
၇ တပည့်ဖြစ်စေပါ၊ ဝတ်ပြုစည်းဝေးကြပါ ဆိုတဲ့ ကျမ်းစာမိန့်မှာချက်တွေကို သင် ဘယ်လို သဘောထားသလဲဆိုတာ စဉ်းစားကြည့်ပါ။ (၈၊ ၉။ (က) အိမ်ထောင်ကို လေးစားရမယ်ဆိုတဲ့ တိုက်တွန်းချက်ကို နာခံဖို့ ဘာက လှုံ့ဆော်ပေးမလဲ။ ဘာကြောင့်လဲ။ (ခ) အခု၊ ဘယ်အချက် နှစ်ချက်ကို သုံးသပ်ကြမလဲ။
၈ ဘုရားကို နှစ်နှစ်ကာကာ ချစ်တာက အခက်အခဲတွေကြား ဟောပြောပြီး အစည်းအဝေးတက်ပါဆိုတဲ့ မိန့်မှာချက်တွေကို နာခံဖို့ သင့်ကို လှုံ့ဆော်ပေးတယ်။ အဲဒီလိုပဲ ယေဟောဝါကို ချစ်တဲ့မေတ္တာဟာ ခက်ခဲတဲ့အချိန်တွေမှာတောင် ‘အိမ်ထောင်မင်္ဂလာကို လေးစားရမယ်’ ဆိုတဲ့ ကျမ်းစာတိုက်တွန်းချက်ကို လိုက်နာဖို့ သင့်ကို လှုံ့ဆော်ပေးနိုင်တယ်။ (ဟီဘရူး ၁၃:၄။ ဆာလံ ၁၈:၂၉။ ဒေသနာ ၅:၄) ဟောပြောဖို့၊ အစည်းအဝေးတက်ဖို့ သင် ကြိုးစားတာတွေကို ယေဟောဝါ ကောင်းချီးပေးသလို အိမ်ထောင်ကို လေးစားဖို့ ကြိုးစားတာကိုလည်း ကိုယ်တော် သတိပြုမိပြီး ကောင်းချီးပေးပါလိမ့်မယ်။—၁ သက်သာလောနိတ် ၁:၃။ ဟီဘရူး ၆:၁၀။
၉ ဒါဆိုရင် သင့်အိမ်ထောင်ကို လေးစားကြောင်း ဘယ်လို ပြနိုင်သလဲ။ အိမ်ထောင်ကို ထိခိုက်စေမယ့် အမူအကျင့်ကို ရှောင်ရမယ်။ ဒါ့အပြင် အိမ်ထောင်နှောင်ကြိုး ခိုင်ခံ့စေမယ့် လုပ်ရပ်တွေကို လုပ်ဆောင်ဖို့ လိုတယ်။
အိမ်ထောင်ကို မလေးစားရာရောက်တဲ့ အပြောအဆို၊ အပြုအမူကို ရှောင်ပါ
၁၀၊ ၁၁။ (က) ဘယ်အမူအကျင့်က အိမ်ထောင်ကို မလေးစားရာရောက်သလဲ။ (ခ) အိမ်ထောင်ဖက်ကို ဘယ်မေးခွန်း မေးသင့်သလဲ။
၁၀ ခရစ်ယာန်ဇနီးတစ်ဦးက “ခံနိုင်ရည်ရှိဖို့ ခွန်အားပေးပါလို့ ယေဟောဝါဆီမှာ ကျွန်မ ဆုတောင်းတယ်” လို့ ပြောပြဖူးတယ်။ ဘာကို ခံနိုင်ဖို့လဲ။ “ကျွန်မရဲ့ခင်ပွန်းက စကားနဲ့ ထိုးနှက်တယ်။ ကိုယ်ပေါ်မှာ အညိုအမည်း မစွဲပေမဲ့ ‘ဆန်ကုန်မြေလေး၊ အသုံးမကျတဲ့ မိန်းမ’ ဆိုပြီး ပြောလေ့ရှိတဲ့အတွက် ကျွန်မ စိတ်ဒဏ်ရာရခဲ့တယ်” လို့ သူပြောပြတယ်။ သူ့စကားအရ အိမ်ထောင်မှာ ရင့်သီးတဲ့စကား ပြောဆိုတာဟာ ပေါ့ပေါ့တန်တန် သဘောထားရမယ့်ကိစ္စ မဟုတ်မှန်း သိရတယ်။
၁၁ ခရစ်ယာန်အိမ်ထောင်မှာ ကြမ်းတမ်းတဲ့စကားတွေကြောင့် တော်ရုံနဲ့မပျောက်နိုင်တဲ့ စိတ်ဒဏ်ရာ ရသွားမယ်ဆိုရင် ဝမ်းနည်းစရာပဲ။ စိတ်နာကြည်းစရာ စကားတွေ ပြောဆိုတဲ့ အိမ်ထောင်ဟာ လေးစားစရာဖြစ်မှာ မဟုတ်ဘူး။ သင့်အိမ်ထောင်မှာကော ဘယ်လိုလဲ။ သိနိုင်တဲ့နည်းတစ်နည်းကတော့ “ငါ့ရဲ့စကားကြောင့် မင်း ဘယ်လိုခံစားရသလဲ” ဆိုပြီး အိမ်ထောင်ဖက်ကို နှိမ့်ချစွာ မေးပါ။ သင့်စကားကြောင့် တစ်ဖက်သား မကြာခဏ စိတ်ထိခိုက်မယ်ဆိုရင် အခြေအနေကောင်းလာအောင် ပြုပြင်ပြောင်းလဲချင်စိတ် ရှိရမယ်။—ဧဖက် ၄:၃၁ ကိုဖတ်ပါ။ ဂလာတိ ၅:၁၅။
၁၂။ လူတစ်ဦးရဲ့ ဝတ်ပြုမှုဟာ ဘုရားရှေ့မှာ ဘယ်လိုနည်းနဲ့ အချည်းနှီးဖြစ်နိုင်သလဲ။
၁၂ အိမ်ထောင်မှာ ပြောပုံဆိုပုံဟာ ယေဟောဝါနဲ့ သင့်ဆက်ဆံရေးအပေါ် အကျိုးသက်ရောက်နိုင်တယ်ဆိုတာ မမေ့ပါနဲ့။ “ဘုရားသခင်ကို ဝတ်ပြုနေတယ်လို့ ကိုယ့်ကိုယ်ကိုယ် ထင်နေပေမဲ့ နှုတ်ကို မစောင့်စည်းရင် ကိုယ့်ကိုယ်ကိုယ် လှည့်စားနေတာပဲ။ သူ့ရဲ့ဝတ်ပြုမှုဟာ အချည်းနှီးပဲ” လို့ ကျမ်းစာဖော်ပြတယ်။ (ယာကုပ် ၁:၂၆) သင့်အပြောအဆိုဟာ သင့်ဝတ်ပြုရေးနဲ့ ဆက်နွှယ်နေတယ်။ ဘုရားသခင်ကို ဝတ်ပြုနေသရွေ့ အိမ်ထောင်မှာ ဘာဖြစ်ဖြစ် အရေးမကြီးပါဘူးဆိုတဲ့ သဘောထားကို ကျမ်းစာ မထောက်ခံဘူး။ ဒါကြောင့် ကိုယ့်ကိုယ်ကိုယ် မလှည့်ဖြားပါနဲ့။ ဒါဟာ အလေးအနက်ထားရမယ့်ကိစ္စပဲ။ (၁ ပေတရု ၃:၇ ကိုဖတ်ပါ။) အရည်အချင်း တွေ၊ ထက်သန်မှုတွေရှိပေမဲ့ အိမ်ထောင်ဖက်ကို စိတ်နာကြည်းစရာစကားတွေ တမင်ပြောဆိုရင် သင်ဟာ အိမ်ထောင်ကို မလေးစားရာရောက်တဲ့အတွက် သင့်ဝတ်ပြုမှုဟာ အချည်းနှီးပဲလို့ ဘုရား ယူမှတ်မယ်။
၁၃။ အိမ်ထောင်ဖက်ကို စိတ်ထိခိုက်အောင် ဘယ်လို လုပ်မိနိုင်သလဲ။
၁၃ အိမ်ထောင်ဖက်ကို သွယ်ဝိုက်နည်းနဲ့ စိတ်ထိခိုက်အောင် မလုပ်မိဖို့လည်း သတိထားရမယ်။ ဥပမာနှစ်ခုကို သုံးသပ်ကြည့်ပါ။ ကြင်ဖော်မဲ့ မိခင်တစ်ဦးဟာ အသင်းတော်ထဲက အိမ်ထောင်သည် ညီအစ်ကိုတစ်ဦးကို မကြာခဏ ဖုန်းဆက်ပြီး အကြံဉာဏ်တောင်းလေ့ရှိတယ်။ သူတို့ အကြာကြီး စကားပြောလေ့ရှိတယ်။ တစ်ကိုယ်ရေ ညီအစ်ကိုတစ်ဦးဟာ အိမ်ထောင်သည် ညီအစ်မတစ်ဦးနဲ့အတူ အပတ်စဉ် တွဲအမှုဆောင်လေ့ရှိတယ်။ အဲဒီအိမ်ထောင်သည်တွေဟာ ရည်ရွယ်ချက်ကောင်းရှိကြပေမဲ့ သူတို့ရဲ့အပြုအမူဟာ အိမ်ထောင်ဖက်ကို ဘယ်လို ထိခိုက်စေသလဲ။ အဲဒီအခြေအနေမျိုး ကြုံနေရတဲ့ ဇနီးတစ်ဦးက “ကျွန်မရဲ့ခင်ပွန်းဟာ အသင်းတော်ထဲက ညီအစ်မတစ်ယောက်ကို အချိန်အများကြီးပေးပြီး ဂရုစိုက်နေမှန်း သိရတော့ ကျွန်မ စိတ်ထိခိုက်မိတယ်။ အားငယ်မိတယ်” လို့ ပြောပြတယ်။
၁၄။ (က) ကမ္ဘာဦး ၂:၂၄ မှာ ဘယ်အိမ်ထောင်တာဝန်ကို အလေးပေး ဖော်ပြထားသလဲ။ (ခ) မိမိကိုယ်ကို ဘယ်လို မေးသင့်သလဲ။
၁၄ အဲဒီလိုကြုံတွေ့နေရတဲ့ အိမ်ထောင်သည်တွေ စိတ်နာကြည်းမယ်ဆိုရင် နာကြည်းစရာပါပဲ။ သူတို့ရဲ့ အိမ်ထောင်ဖက်ဟာ “ယောက်ျားက မိဘကိုထားခဲ့ပြီး ဇနီးနဲ့ မခွဲအတူ နေလိမ့်မယ်” ဆိုတဲ့ ဘုရားရဲ့ ညွှန်ကြားချက်ကို လျစ်လျူရှုထားကြတယ်။ (ကမ္ဘာဦး ၂:၂၄) အိမ်ထောင်သည်တွေဟာ မိဘကို လေးစားရမှာမှန်ပေမဲ့ ဘုရားရဲ့အစီအစဉ်အရ သူတို့ရဲ့ အဓိကတာဝန်ဟာ ကိုယ့်အိမ်ထောင်ဖက်ကို ဂရုစိုက်ဖို့ ဖြစ်တယ်။ အဲဒီလိုပဲ ခရစ်ယာန်တွေဟာ ယုံကြည်သူချင်းတွေကို ချစ်ခင်ရမှာမှန်ပေမဲ့ သူတို့ရဲ့ အဓိကတာဝန်ဟာ ကိုယ့်အိမ်ထောင်ဖက်ကို ဂရုစိုက်ဖို့ ဖြစ်တယ်။ ဒါကြောင့် အိမ်ထောင်သည်ခရစ်ယာန်တွေဟာ ယုံကြည်သူချင်းတွေကို၊ အထူးသဖြင့် လိင်ခြားသူတွေကို အချိန်ပေးလွန်း၊ ရင်းနှီးလွန်းတဲ့အခါ အိမ်ထောင်ရေး တင်းမာမှုတွေ ဖြစ်လာနိုင်တယ်။ အဲဒီအကြောင်းရင်းကြောင့် သင့်အိမ်ထောင်ရေး တင်းမာနေသလား။ ‘ငါ့အိမ်ထောင်ဖက်ကို ပေးရ မယ့် အချိန်၊ ဂရုစိုက်မှု၊ ချစ်ခင်ကြင်နာမှုကို တကယ်ပဲ ငါပေးသလား’ ဆိုပြီး မိမိကိုယ်ကို မေးကြည့်ပါ။
၁၅။ မဿဲ ၅:၂၈ အရ အိမ်ထောင်သည် ခရစ်ယာန်တွေဟာ လိင်ခြားသူကို ဂရုစိုက်လွန်းတာမျိုး ဘာကြောင့် ရှောင်သင့်သလဲ။
၁၅ ကိုယ့်အိမ်ထောင်ဖက်မဟုတ်တဲ့ လိင်ခြားသူတွေကို ဂရုစိုက်လွန်းတဲ့ အိမ်မဿဲ ၅:၂၈) အဲဒီလိုချစ်စိတ်ဝင်ရာကနေ အိမ်ထောင်ကို မလေးစားရာရောက်တဲ့ လုပ်ရပ်တွေ ပြုမူမိနိုင်တယ်။ အဲဒါနဲ့ပတ်သက်ပြီး တမန်တော်ပေါလု ပြောတာကို သုံးသပ်ကြည့်ပါ။
ထောင်သည် ခရစ်ယာန်တွေဟာ အန္တရာယ်စက်ကွင်းထဲ မဆင်မခြင် ဝင်ရောက်သွားကြတယ်။ အိမ်ထောင်သည် ခရစ်ယာန်တချို့ဟာ မိမိတို့နဲ့ ရင်းနှီးလွန်းသူတွေအပေါ် ချစ်စိတ်ဝင်သွားကြတာ ဝမ်းနည်းစရာပါပဲ။ (“အိမ်ထောင်မင်္ဂလာကို မညစ်ညူးစေပါနဲ့”
၁၆။ အိမ်ထောင်နဲ့ပတ်သက်ပြီး ပေါလု ဘာပြောခဲ့သလဲ။
၁၆ ‘အိမ်ထောင်မင်္ဂလာကို လေးစားရမယ်’ လို့ တိုက်တွန်းပြီးတာနဲ့ ပေါလုက “အိမ်ထောင်မင်္ဂလာကို မညစ်ညူးစေပါနဲ့။ လိင်အကျင့်ယိုယွင်းသူတွေ၊ အိမ်ထောင်ရေးဖောက်ပြန်သူတွေကို ဘုရားသခင် ပြစ်ဒဏ်စီရင်လိမ့်မယ်” လို့ သတိပေးတယ်။ (ဟီဘရူး ၁၃:၄) လိင်ဆက်ဆံခြင်းဟာ အိမ်ထောင်သည်တွေအတွက်ပဲ ဖြစ်သင့်တယ်။ ဒါကြောင့် ခရစ်ယာန်တွေဟာ “ငယ်ပေါင်းဇနီးနဲ့အတူ ပျော်မွေ့နိုင်ပါစေ” ဆိုတဲ့ ကျမ်းစကားကို လိုက်နာကြတယ်။—ပညာအလိမ္မာ ၅:၁၈။
၁၇။ (က) ခရစ်ယာန်တွေဟာ အိမ်ထောင်ရေးဖောက်ပြန်မှုနဲ့ပတ်သက်ပြီး လောကရှုမြင်သလို ဘာကြောင့် မရှုမြင်သင့်သလဲ။ (ခ) ယောဘရဲ့ ပုံနမူနာကို ဘယ်လို လိုက်လျှောက်နိုင်သလဲ။
၁၇ အိမ်ထောင်ဖက်မဟုတ်သူနဲ့ လိင်ဆက်ဆံသူတွေဟာ ကိုယ်ကျင့်တရားနဲ့ဆိုင်တဲ့ ဘုရားပညတ်ကို လုံးဝဂရုမစိုက်တာပဲ။ အိမ်ထောင်ရေး ဖောက်ပြန်မှုဟာ အဆန်းမဟုတ်ဘူးလို့ အခုခေတ် လူအများစု ယူမှတ်ကြတယ်။ အိမ်ထောင်ရေး ဖောက်ပြန်တာနဲ့ပတ်သက်ပြီး လူတွေ ဘယ်လိုပဲ ယူမှတ်ပါစေ ခရစ်ယာန်တွေကတော့ အဲဒီလို မယူမှတ်သင့်ဘူး။ “လိင်အကျင့်ယိုယွင်းသူတွေ၊ အိမ်ထောင်ရေးဖောက်ပြန်သူတွေကို” လူတွေ ပြစ်ဒဏ်စီရင်မှာ မဟုတ်ဘဲ “ဘုရားသခင် ပြစ်ဒဏ်စီရင်လိမ့်မယ်” ဆိုတာ သိထားကြတယ်။ (ဟီဘရူး ၁၀:၃၁။ ၁၂:၂၉) ခရစ်ယာန်စစ်တွေကတော့ အိမ်ထောင်နဲ့ပတ်သက်ပြီး ယေဟောဝါလိုပဲ ရှုမြင်ကြတယ်။ (ရောမ ၁၂:၉ ကိုဖတ်ပါ။) “ကျုပ်က . . . ကိုယ့်မျက်စိနဲ့ ကတိသစ္စာပြုထားပြီးပြီ” လို့ ဘိုးဘေးယောဘ ပြောခဲ့တာကို ပြန်အမှတ်ရပါ။ (ယောဘ ၃၁:၁) ခရစ်ယာန်စစ်တွေဟာ အိမ်ထောင်ရေးဖောက်ပြန်နိုင်တဲ့ ခြေလှမ်းတစ်လှမ်းကိုတောင် မလှမ်းမိစေဖို့ ကိုယ့်မျက်စိကို ထိန်းချုပ်ပြီး အိမ်ထောင်ဖက်မဟုတ်တဲ့ လိင်ခြားသူကို တပ် မက်စိတ်နဲ့ ဘယ်တော့မှ ကြည့်ကြမှာ မဟုတ်ဘူး။—“ကွာရှင်းခြင်း၊ ခွဲနေခြင်းနဲ့ပတ်သက်တဲ့ ကျမ်းစာရှုထောင့်” နောက်ဆက်တွဲကို ကြည့်ပါ။
၁၈။ (က) အိမ်ထောင်ရေးဖောက်ပြန်မှုဟာ ယေဟောဝါရှေ့မှာ ဘယ်လောက် အပြစ်ကြီးသလဲ။ (ခ) အိမ်ထောင်ရေးဖောက်ပြန်ခြင်းနဲ့ ရုပ်တုကိုးကွယ်ခြင်းမှာ ဘာတူညီချက် ရှိသလဲ။
၁၈ အိမ်ထောင်ရေးဖောက်ပြန်မှုဟာ ယေဟောဝါရှေ့မှာ ဘယ်လောက် အပြစ်ကြီးသလဲ။ မောရှေပညတ်က အဲဒီကိစ္စနဲ့ပတ်သက်ပြီး ယေဟောဝါရဲ့ခံစားချက်ကို သိမြင်စေတယ်။ အစ္စရေးနိုင်ငံမှာ အိမ်ထောင်ရေးဖောက်ပြန်တာနဲ့ ရုပ်တုကိုးကွယ်တာဟာ သေဒဏ်ခံထိုက်တဲ့ အပြစ်တွေမှာ ပါတယ်။ (ဝတ်ပြုရာ ၂၀:၂၊ ၁၀) အဲဒီအပြစ်နှစ်ခုရဲ့ တူညီချက်ကို သင် မြင်သလား။ အစ္စရေးတစ်ဦး ရုပ်တုကိုးကွယ်တာဟာ ယေဟောဝါနဲ့ ဖွဲ့ခဲ့တဲ့ ပဋိညာဉ်ကို ချိုးဖောက်တာ ဖြစ်တယ်။ အဲဒီလိုပဲ အစ္စရေးတစ်ဦး အိမ်ထောင်ရေးဖောက်ပြန်တာဟာ အိမ်ထောင်ဖက်နဲ့ ဖွဲ့ခဲ့တဲ့ ပဋိညာဉ်ကို ချိုးဖောက်တာဖြစ်တယ်။ နှစ်ဦးစလုံးဟာ သစ္စာဖောက်တွေပဲ။ (မာလခိ ၂:၁၄ ကိုဖတ်ပါ။ ထွက်မြောက်ရာ ၁၉:၅၊ ၆။ တရားဟောရာ ၅:၉။) ဒါကြောင့် သူတို့နှစ်ဦးစလုံးဟာ သစ္စာရှိတဲ့၊ ယုံကြည်စိတ်ချထိုက်တဲ့ ယေဟောဝါဘုရားရဲ့ ရှေ့မှာ အပြစ်ရှိတယ်။—ဆာလံ ၃၃:၄။
၁၉။ အိမ်ထောင်ရေး မဖောက်ပြန်ဘူးဆိုတဲ့ သန္နိဋ္ဌာန်ကို ဘာက ခိုင်မာစေနိုင်သလဲ။ ဘာကြောင့်လဲ။
၁၉ ခရစ်ယာန်တွေဟာ မောရှေပညတ်အောက်မှာ မရှိတော့တာ မှန်ပါတယ်။ ဒါပေမဲ့ ရှေးအစ္စရေးနိုင်ငံမှာ အိမ်ထောင်ရေးဖောက်ပြန်မှုကို ကြီးလေးတဲ့အပြစ်လို့ ယူမှတ်ခဲ့မှန်း ပြန်အမှတ်ရတာက အဲဒီအပြစ် မကျူးလွန်ဖို့ ခရစ်ယာန်တွေရဲ့ သန္နိဋ္ဌာန်ကို ခိုင်မာစေနိုင်တယ်။ ဘာကြောင့်လဲ။ ဒီနှိုင်းယှဉ်ချက်ကို သုံးသပ်ကြည့်ပါ။ သင်ဟာ ချာ့ခ်ျထဲဝင်ပြီး ရုပ်တုရှေ့မှာ ဒူးထောက်ဆုတောင်းမလား။ ‘ဘယ်တော့မှ မလုပ်ဘူး’ လို့ သင် ပြောလိမ့်မယ်။ ဒါပေမဲ့ ငွေအများကြီး ပေးမယ်ဆိုရင်ကော အဲဒီလို လုပ်မလား။ ‘စိတ်ကူးထဲတောင် မထည့်ဘူး’ လို့ ပြောမှာပဲ။ ရုပ်တုကိုးကွယ်ပြီး ယေဟောဝါကို သစ္စာဖောက်မယ့်အတွေးဟာ ခရစ်ယာန်စစ်တစ်ဦးအတွက် ရွံစရာဖြစ်တယ်။ အဲဒီလိုပဲ၊ ဘယ်နည်းနဲ့ သွေးဆောင်ခံရပါစေ အိမ်ထောင်ရေးဖောက်ပြန်ပြီး ယေဟောဝါဘုရားနဲ့ ကိုယ့်အိမ်ထောင်ဖက်ကို သစ္စာဖောက်မယ့် အတွေးဟာ ခရစ်ယာန်တွေအတွက် ရွံစရာပဲ။ (ဆာလံ ၅၁:၁၊ ၄။ ကောလောသဲ ၃:၅) ကျွန် တော်တို့ဟာ စာတန်ကို ပျော်ရွှင်စေမယ့်၊ ယေဟောဝါနဲ့ မြင့်မြတ်တဲ့ အိမ်ထောင်ရေးအစီအစဉ်ကို အလွန်မလေးစားရာရောက်စေမယ့် လုပ်ရပ်မျိုး ဘယ်တော့မှ လုပ်ချင်မှာ မဟုတ်ဘူး။
အိမ်ထောင်နှောင်ကြိုးကို ခိုင်မြဲစေနိုင်ပုံ
၂၀။ တချို့အိမ်ထောင်မှာ ဘာတွေ ဖြစ်ပျက်နေသလဲဆိုတာ ဥပမာပေးပါ။
၂၀ အိမ်ထောင်ကို မလေးစားရာရောက်တဲ့ အပြုအမူကို ရှောင်တဲ့အပြင် သင့်အိမ်ထောင်ဖက်ကို အရင်လို လေးစားမှု ပြန်ရှိလာအောင် ဘာလုပ်နိုင်သလဲ။ အဖြေရဖို့ အိမ်ထောင်ကို အိမ်တစ်လုံးနဲ့ နှိုင်းယှဉ်ကြည့်ပါ။ အိမ်ထောင်ဖက်တွေရဲ့ ကြင်နာတဲ့စကား၊ စာနာတဲ့လုပ်ရပ်၊ လေးစားဖွယ်အပြုအမူတွေဟာ အိမ်ကို အလှဆင်ပေးတဲ့ အရာတွေ ဖြစ်တယ်လို့ သဘောထားကြည့်ပါ။ တစ်ဦးကိုတစ်ဦး ရင်းနှီးချစ်ခင်လာတယ်လို့ ခံစားရရင် သင့်အိမ်ထောင်ဟာ အရောင်အသွေးစုံပြီး နွေးထွေးမှုရှိအောင် အလှဆင်ထားတဲ့ အိမ်နဲ့ တူပါလိမ့်မယ်။ ဒါပေမဲ့ အချစ်လျော့လာရင် အဲဒီအလှတန်ဆာတွေ တဖြည်းဖြည်း ပျောက်ပျက်သွားပြီး နောက်ဆုံးမှာ သင့်အိမ်ထောင်ဟာ အလှတန်ဆာ မရှိတဲ့ အိမ်နဲ့ တူလာလိမ့်မယ်။ ‘အိမ်ထောင်မင်္ဂလာကို လေးစားရမယ်’ ဆိုတဲ့ ဘုရားရဲ့ မိန့်မှာချက်ကို လိုက်နာချင်တဲ့ ဆန္ဒက အခြေအနေ ပြန်ကောင်းလာအောင် ကြိုးစားဖို့ သင့်ကို လှုံ့ဆော်ပေးလိမ့်မယ်။ တကယ်တော့ တန်ဖိုးရှိပြီး လေးစားရတဲ့ အရာတစ်ခုကို ပြုပြင်မွမ်းမံ၊ ထိန်းသိမ်းထားသင့်တယ်။ ဘယ်လို လုပ်နိုင်သလဲ။ “အိမ်ကို ဉာဏ်ပညာနဲ့ တည်ဆောက်ပြီး ပိုင်းခြားသိမြင်မှုနဲ့ ခိုင်ခံ့မြဲမြံအောင် ထိန်းသိမ်းရတယ်။ အသိပညာကြောင့် အခန်းတွေဟာ နှစ်သက်ဖွယ် အဖိုးတန်ဘဏ္ဍာအမျိုးမျိုးနဲ့ ပြည့်နေတယ်” လို့ ကျမ်းစာ ဖော်ပြတယ်။ (ပညာအလိမ္မာ ၂၄:၃၊ ၄) အဲဒီစကားတွေကို အိမ်ထောင်မှာ ဘယ်လို ကျင့်သုံးနိုင်တယ်ဆိုတာ သုံးသပ်ကြည့်ပါ။
၂၁။ အိမ်ထောင်ခိုင်မြဲအောင် ဘယ်လိုနည်းနဲ့ အဆင့်ဆင့် လုပ်ဆောင်နိုင်သလဲ။ (“ အိမ်ထောင်ကို ဘယ်လို ခိုင်မြဲစေနိုင်သလဲ” လေးထောင့်ကွက်ကိုလည်း ကြည့်ပါ။)
၂၁ သာယာချမ်းမြေ့တဲ့ အိမ်ထောင်မှာ ပြည့်နေတဲ့ အဖိုးတန်ဘဏ္ဍာတွေထဲမှာ စစ်မှန်တဲ့မေတ္တာ၊ ဘုရားကို ကြောက်ရွံ့ရိုသေခြင်းနဲ့ ခိုင်မာတဲ့ယုံကြည်ခြင်း ဆိုတဲ့ အရည်အသွေးတွေ ပါဝင်တယ်။ (ပညာအလိမ္မာ ၁၅:၁၆၊ ၁၇။ ၁ ပေတရု ၁:၇) ဒါ တွေက အိမ်ထောင်ကို ခိုင်မြဲစေနိုင်တယ်။ ဒါပေမဲ့ အထက်မှာ ကိုးကားခဲ့တဲ့ ပညာအလိမ္မာကျမ်းမှာ အခန်းတွေကို အဖိုးတန်ဘဏ္ဍာတွေနဲ့ ဘယ်လိုဖြည့်ထားမှန်း သတိပြုမိသလား။ “အသိပညာကြောင့် အခန်းတွေဟာ နှစ်သက်ဖွယ် အဖိုးတန်ဘဏ္ဍာအမျိုးမျိုးနဲ့ ပြည့်နေတယ်” လို့ဆိုတယ်။ မှန်ပါတယ်၊ ကျမ်းစာအသိပညာကို ကျင့်သုံးတဲ့အခါ အဲဒီအသိပညာဟာ စဉ်းစားတွေးခေါ်ပုံကို ပြောင်းလဲပေးနိုင်စွမ်း၊ အရင်လို ပြန်ချစ်လာအောင် လှုံ့ဆော်ပေးနိုင်စွမ်း ရှိတယ်။ (ရောမ ၁၂:၂။ ဖိလိပ္ပိ ၁:၉) သင့်အိမ်ထောင်ဖက်နဲ့အတူ နေ့စဉ်ကျမ်းချက် ဒါမှမဟုတ် ကင်းမျှော်စင်၊ နိုးလော့! ထဲက အိမ်ထောင်ရေးဆောင်းပါးတစ်ခုကို အေးအေးဆေးဆေး သုံးသပ်နိုင်တယ်။ ဒါဟာ သင့်အိမ်ကို လှပစေတဲ့ အလှတန်ဆာတစ်ခုကို ဆန်းစစ်နေတာနဲ့ တူတယ်။ သုံးသပ်ထားတဲ့ အကြံပြုချက်ကို ကျင့်သုံးဖို့ ယေဟောဝါကို ချစ်တဲ့မေတ္တာက လှုံ့ဆော်ပေးလိမ့်မယ်။ အဲဒီလိုကျင့်သုံးတာက အလှတန်ဆာကို အခန်းထဲ ယူလာတာနဲ့ တူတယ်။ ဒါဆိုရင် တစ်ချိန်တုန်းကလို သာယာစိုပြည်မှုနဲ့ နွေးထွေးမှုကို ပြန်ခံစားရမယ်။
၂၂။ အိမ်ထောင်ခိုင်မြဲဖို့ ကြိုးစားမယ်ဆိုရင် ဘယ်လို ကျေနပ်မှုမျိုး ခံစားရနိုင်သလဲ။
၂၂ အဲဒီအလှတန်ဆာ တစ်ခုချင်းစီကို သူ့နေရာနဲ့သူ ပြန်ထားနိုင်ဖို့ အချိန်နဲ့ ကြိုးစားအားထုတ်မှု အတော်အတန် လိုတယ်။ ဒါပေမဲ့ သင့်ဘက်က ကြိုးစားလုပ်ဆောင်မယ်ဆိုရင် “ကိုယ်တိုင်အစပြုပြီး အချင်းချင်းကို ဂုဏ်တင်ပါ” ဆိုတဲ့ ကျမ်းစာမိန့်မှာချက်ကို နာခံနေတယ်ဆိုတဲ့ အသိနဲ့ အားရကျေနပ်ပါလိမ့်မယ်။ (ရောမ ၁၂:၁၀။ ဆာလံ ၁၄၇:၁၁) ဒါတင်မက သင့်အိမ်ထောင်ကို လေးစားဖို့ အစွမ်းကုန် ကြိုးစားမယ်ဆိုရင် ဘုရားသခင့်မေတ္တာ အမြဲခံစားရပါလိမ့်မယ်။
^ စာပိုဒ်၊ 6 အိမ်ထောင်နဲ့ပတ်သက်တဲ့ တိုက်တွန်းချက်ဟာ ပေါလုရဲ့ တိုက်တွန်းချက်တွေထဲမှာ တစ်ခုအပါအဝင်ဖြစ်ကြောင်း ရှေ့နောက်စကားက ဖော်ပြတယ်။—ဟီဘရူး ၁၃:၁-၅။