တၢ်ပိာ်ထွဲ
ပကြၢးရ့ဒီး ပှၤဘၣ်တၢ်ဟီထီၣ်ကွံာ် တဂၤဒ်လဲၣ်
ဖဲပဘူးပတံၢ် မ့တမ့ၢ် တံၤသကိးလၢ ပရ့အီၤဘူးဘူးတံၢ်တံၢ်တဂၤ ဘၣ်တၢ်ဟီထီၣ်ကွံာ်အီၤလၢ တၢ်အိၣ်ဖှိၣ်ပူၤလၢ အဝဲတပီၢ်ယၢ်လီၤက့ၤအသးလၢ မၤတၢ်ကမၣ်အဃိ ပတၢ်သးအုးန့ၣ် တလီၤဂာ်ဒီးတၢ်သးအုးအဂၤဘၣ်. ပတၢ်မၤထွဲ လံာ်စီဆှံတၢ်နဲၣ်လိ လၢဘၣ်ဃးတၢ်ဂ့ၢ်အံၤန့ၣ် ပာ်ဖျါပတၢ်အဲၣ်ယွၤဆံးဒိၣ်လဲၣ် ဒီးပတီဒီးကစၢ်အတၢ်ရဲၣ်တၢ်ကျဲၤထဲလဲၣ်န့ၣ်လီၤ. * ပကသမံသမိးကွၢ် တၢ်သံကွၢ်ဟဲပၢၢ်ထီၣ်တနီၤလၢ ဘၣ်ဃးဒီးတၢ်ဂ့ၢ်အံၤန့ၣ်တက့ၢ်.
ပကြၢးရ့ဒီး ပှၤဘၣ်တၢ်ဟီထီၣ်ကွံာ်တဂၤဒ်လဲၣ်. လံာ်စီဆှံစံးဝဲဒ်အံၤလီၤ: “လၢပှၤဘၣ်တၢ်ကိးအီၤလၢ ဒီပုၢ်ဝဲၢ်တဂၤဂၤ, မ့မ့ၢ်ပှၤမၤကမၣ်ပိာ်မုၣ်ပိာ်မၢၤမ့ၢ်ဂ့ၤ, ပှၤသးကွံစ့ မ့ၢ်ဂ့ၤ, ပှၤဘါတၢ်ဂီၤမ့ၢ်ဂ့ၤ, ပှၤဒုၣ်ဒွဲၣ်တၢ်မ့ၢ်ဂ့ၤ, ပှၤအီမူၤသံးမ့ၢ်ဂ့ၤ, ပှၤအီၣ်ကဘျံးအီၣ်ကဘျၣ်မ့ၢ်ဂ့ၤ, သုတရ့လိာ်သုသးဒီးအီၤတဂ့ၤ. အီၣ်ဃုာ်ဒၣ်လဲာ်ဒီးပှၤဒ်န့ၣ်အသိးတဂၤတဂ့ၤ.” (၁ ကရံၣ်သူး ၅:၁၁) ဘၣ်ဃးဒီးပှၤကိးဂၤဒဲးလၢ “တအိၣ်တဆိးဘၣ်လၢ ခရံာ်အတၢ်သိၣ်တၢ်သီအပူၤ” န့ၣ် ပဖးဘၣ်ဒ်အံၤလီၤ: “တူၢ်လိာ်အီၤလၢ သုဟံၣ်ပူၤတဂ့ၤ. ဒီးစံး, တၢ်အမုာ်မ်အအိၣ်ဒီးနၤတက့ၢ်န့ၣ်,တဂ့ၤ. အဂ့ၢ်ဒ်အံၤ, ပှၤလၢအစံး, တၢ်အမုာ်မ်အအိၣ်ဒီးအီၤတက့ၢ်န့ၣ်, မ့ၢ်အဘၣ်ဃးဒီးအဝဲဒၣ် အမၤတၢ်လၢ အအၢန့ၣ်လီၤ.” (၂ ယိၤဟၣ် ၉-၁၁) ပတမၤသကိး မ့တမ့ၢ် ပတကတိၤသကိး တၢ်ဘူၣ်တၢ်ဘါအဂ့ၢ်, မ့တမ့ၢ် ပတရ့လိာ်သးဒီး ပှၤဘၣ်တၢ်ဟီထီၣ်ကွံာ်တဂၤဘၣ်. ပျိာ်ထီခီးတၢ် (ကင်းမျှော်စင်), စဲးပတ့ဘၢၣ် ၁၅, ၁၉၈၁, လံာ်ကဘျံးပၤ ၂၅ [အဲကလံးကျိာ်] န့ၣ် ပာ်ဖျါဝဲလၢ “တၢ်ကတိၤယိယိဖိ ‘အိၣ်ဆူၣ်အိၣ်ချ့ဧါ’န့ၣ် မ့ၢ်ခီၣ်ခါအဆိကတၢၢ်လၢ မၤဒိၣ်ထီၣ်ထီထီၣ် တၢ်ကတိၤသကိးတၢ်ဒီး ဘၣ်သ့ၣ်သ့ၣ် ကဲထီၣ် တၢ်ရ့တံၤရ့သကိးဒၣ်လဲာ်လီၤ. ပကအဲၣ်ဒိး ခါထီၣ်ခီၣ်ခါအဆိကတၢၢ်အံၤဒီး ပှၤဘၣ်တၢ်ဟီထီၣ်ကွံာ်တဂၤဧါ.”
အလီၢ်အိၣ်နီၢ်နီၢ်လၢ ပကဘၣ်ဟးဆှဲးသပှၢ်တၢၢ်ဧါ. မ့ၢ်လီၤ, တၢ်ဂ့ၢ်အိၣ်တနီၤလၢ ပကဘၣ်မၤဒ်သိးအံၤလီၤ. တၢတမံၤ, တၢ်အံၤမ့ၢ် တၢ်ပာ်ဖျါ ပတၢ်သးတီဒီးယွၤဒီးကစၢ်အကလုၢ်ကထါလီၤ. တမ့ၢ်ထဲဒၣ် ပစူၢ်ယဟိဝၤ ဖဲပမၤဘၣ်ညီအခါဘၣ်, ပစူၢ်စ့ၢ်ကီးကစၢ် ဖဲပမၤဘၣ်အီၤ ကီခဲအခါဒၣ်လဲာ်လီၤ. ပတၢ်အဲၣ်ယွၤထိၣ်ဂဲၤထီၣ် ပှၤလၢပကစူၢ် ကစၢ်အတၢ်မၤလိာ်ခဲလၢာ်လီၤ. ပသ့ၣ်ညါပာ်လၢ ကစၢ်န့ၣ် တီလိၤဒီး အဲၣ်ပှၤဒီး အတၢ်မၤလိာ်န့ၣ် အဘျုးအိၣ်လၢ ပဂီၢ်အါမးလီၤ. (ယၡါယၤ ၄၈:၁၇; ၁ ယိၤဟၣ် ၅:၃) ခံမံၤတမံၤ, တၢ်ဟီထီၣ်ကွံာ် ပှၤမၤတၢ်ကမၣ်လၢ တပီၢ်ယၢ်လီၤက့ၤအသးန့ၣ် ဒီသ ဒၢပှၤဒီး ပှၤအိၣ်တ့ၢ်လၢတၢ်အိၣ်ဖှိၣ်တဖၣ် အနီၢ်သးဒီး အလုၢ်လၢ်လီၤ. ဒီးတၢ်အံၤပၢၤဃာ် တၢ်အိၣ်ဖှိၣ်အမံၤဂ့ၤသၣ်ဂ့ၤလီၤ. (၁ ကရံၣ်သူး ၅:၆, ၇) သၢမံၤတမံၤ, ပတၢ်အိၣ်ဆၢထၢၣ်လၢ လံာ်စီဆှံတၢ်သိၣ်တၢ်သီမိၢ်ပှၢ်တခီန့ၣ် အဘျုးအိၣ်လၢ ပှၤဘၣ်တၢ်ဟီထီၣ်ကွံာ်တဂၤအဂီၢ် ဒၣ်လဲာ်လီၤ. ခီဖျိပဆီၣ်ထွဲမၤစၢၤ တၢ်စံၣ်ညီၣ်ဘၢစံၣ်ညီၣ်ကွီၢ် ကမံးတံာ် အတၢ်ပာ်လီၤသးအဃိ, တၢ်အံၤထိးဘၣ် ပှၤမၤတၢ်ကမၣ်အသး, လၢတတူၢ်လိာ်ဒံး ပှၤပၢဘၣ်ကွၢ်ထွဲတၢ် အတၢ်မၤစၢၤအီၤန့ၣ်လီၤ. တၢ်ဒုးလီၤမၣ်ကွံာ်ဘၣ် တံၤသကိးလုၢ်ဒိၣ်ပှ့ၤဒိၣ်လၢ အဲၣ်ဘၣ်ဝဲတဖၣ်န့ၣ် မၤစၢၤအီၤလၢကက့ၤ “သ့ၣ်နီၣ်ထီၣ်က့ၤအသး”, ဒီးကထံၣ်လီၤက့ၤအတၢ်ကမၣ်အဒိၣ်အမုၢ်, ဒီးကဟဲက့ၤကဒါက့ၤဆူ ယဟိဝၤအအိၣ်လီၤ.—လူၤကၣ် ၁၅:၁၇.
ပဘူးပတံၢ်တဂၤ မ့ၢ်ဘၣ်တၢ်ဟီထီၣ်ကွံာ်အီၤတခီလဲၣ်. လၢတၢ်ဂ့ၢ်ဒ်သိးအံၤအပူၤ, ဟံၣ်ဖိဃီဖိ တၢ်ရ့လိာ်သးဘူးဘူးတံၢ်တံၢ်န့ၣ် ကကဲထီၣ် တၢ်မၤကွၢ်နီၢ်နီၢ်လၢ တၢ်သးကတီအဂီၢ်လီၤ. ပကြၢးရ့ဒီး ပဘူးပတံၢ်လၢဘၣ်တၢ်ဟီထီၣ်ကွံာ်တဂၤဒ်လဲၣ်. တၢ်အိၣ်သးလၢ ဟဲပၢၤထီၣ်ကိးမံၤဒဲးန့ၣ် ပကတိၤသကိးလၢ လံာ်အံၤအပူၤတသ့ခဲလၢာ်ဘၣ်ဆၣ် ပကသမံသမိးကွၢ်သကိး တၢ်ဂ့ၢ်အခီၣ်ထံး ခံဘီတက့ၢ်.
လၢတၢ်အိၣ်သးတနီၤန့ၣ်, ပှၤဘၣ်တၢ်ဟီထီၣ်ကွံာ်အံၤ ကအိၣ်ဒီးအဟံၣ်ဖိဃီဖိလၢ ဟံၣ်တဖျၢၣ်ဃီအပူၤလီၤ. အဝဲဘၣ်တၢ်ဟီထီၣ်ကွံာ်အဃိ ဟံၣ်ဖိဃီဖိတၢ်ရ့လိာ်သးန့ၣ် တဆိကတီၢ်ဘၣ်. ညီနုၢ်ဟံၣ်ဃီတၢ်ဖံးတၢ်မၤလၢ တနံၤဘၣ်တနံၤဒီး တၢ်ရ့လိာ်သးန့ၣ် မၤဝဲသ့လီၤ. ဘၣ်ဆၣ်, ခီဖျိအဝဲအတၢ်ဃုထၢအဃိ မၤဟးဂီၤကွံာ်ဝဲ နီၢ်သးတၢ်ရ့လိာ်သးဒီး အဟံၣ်ဖိဃီဖိလၢ စူၢ်တၢ်နာ်တၢ်တဖၣ်လီၤ. လၢတၢ်န့ၣ်အဃိ ဟံၣ်ဖိဃီဖိလၢ အိၣ်ဒီးတၢ်သးတီတဖၣ်န့ၣ် မၤဝဲနီၢ်သးတၢ်ရ့လိာ်သးဒီး ပှၤအံၤတန့ၢ်ဘၣ်. အဒိ, ပှၤဘၣ်တၢ်ဟီထီၣ်ကွံာ်တဂၤမ့ၢ် အိၣ်န့ၣ်, အဝဲတဘၣ်ပာ်ဃုာ်လၢ ဟံၣ်ဖိဃီဖိ တၢ်မၤလိသကိးလံာ်စီဆှံ အပူၤဘၣ်. ဘၣ်ဆၣ်, ပှၤဘၣ်တၢ်ဟီထီၣ်ကွံာ်တဂၤန့ၣ် မ့မ့ၢ်ဖိသၣ်လၢ တဒိၣ်တုာ်ဒံးဘၣ်န့ၣ်, မိၢ်ပၢ်တဖၣ် မူဒါအိၣ်လၢ ကဘၣ်သိၣ်လိသီလိအီၤအဖၢလီၤ. လၢတၢ်န့ၣ်အဃိ, မိၢ်ပၢ်လၢအိၣ်ဒီးတၢ်အဲၣ်တဖၣ်န့ၣ် သုးကျဲၤဝဲလၢ ကမၤလိလံာ်စီဆှံဒီး ဖိသၣ်အံၤသ့လီၤ. *—ကတိၤဒိ ၆:၂၀-၂၂; ၂၉:၁၇.
တၢ်အိၣ်သးအဂၤတမံၤန့ၣ်, ပဘူးပတံၢ်လၢ ဘၣ်တၢ်ဟီထီၣ်ကွံာ်အံၤ ကမ့ၢ်တအိၣ်ဒီး ဟံၣ်ဖိဃီဖိလၢ ဟံၣ်တဖျၢၣ်ဃီဘၣ်လီၤ. လိၣ်လၢပကဘၣ်တြီဃာ် တၢ်ဆဲးကျိးဒီးအီၤသနာ်က့ ဟံၣ်ဖိဃီဖိတၢ်ဂ့ၢ်လၢ တညီနုၢ်ကဲထီၣ်တနီၤမ့ၢ်အိၣ်န့ၣ် လိၣ်လၢပကြၢးဆဲးကျိးဒီး *—ဧ့ၤဘြံၤ ၁၂:၁၁.
အီၤလီၤ. ခရံာ်ဖိဟံၣ်ဖိဃီဖိလၢ အိၣ်ဒီးတၢ်သးတီတဖၣ်န့ၣ် တမ့ၢ်ကဃုကျဲလၢ ကရ့ဒီးအဘူးအတံၢ်လၢ ဘၣ်တၢ်ဟီထီၣ်ကွံာ်အံၤဘၣ်. လၢတၢ်န့ၣ်အလီၢ်, တၢ်သးတီဒီး ယဟိဝၤဒီး ကစၢ်အတၢ်ကရၢကရိန့ၣ် ထိၣ်ဂဲၤထီၣ်အဝဲသ့ၣ်လၢ ကဟံးဃာ် လံာ်စီဆှံတၢ်သုးတၢ်ကျဲၤလၢ ဘၣ်ဃးတၢ်ဟီထီၣ်ကွံာ်လီၤ. အဝဲသ့ၣ်အတၢ်သးတီန့ၣ် အဘျုးကအိၣ်ဒိၣ်မးလၢ ပှၤမၤတၢ်ကမၣ်အဂီၢ်လီၤ. ဒီးတၢ်အံၤကမၤစၢၤအီၤလၢ အဝဲကဒိးန့ၢ်ဘၣ် တၢ်အဘျုးလၢ တၢ်သိၣ်လိသီလိန့ၣ်လီၤ.^ လံာ်အဆၢ. 3 လံာ်စီဆှံတၢ်သိၣ်တၢ်သီမိၢ်ပှၢ်လၢ ဘၣ်ဃးဒီး တၢ်ဟီထီၣ်ကွံာ်န့ၣ် ဘၣ်ထွဲစ့ၢ်ကီးဒီး ပှၤလၢအနီၢ်ကစၢ်ဒၣ်ဝဲ ပာ်ကတီၢ်တၢ်ရ့လိာ်သးဒီး တၢ်အိၣ်ဖှိၣ်န့ၣ်လီၤ.
^ လံာ်အဆၢ. 7 တၢ်ဂ့ၢ်အါမးလၢ ဘၣ်ဃးတၢ်ဟီထီၣ်ကွံာ် ဖိသၣ်လၢတဒိၣ်တုာ်ဒံးန့ၣ်ကွၢ် ကင်းမျှော်စင် ၂၀၀၁၊ အောက်တိုဘာ ၁၊ စာမျက်နှာ ၁၆-၁၇ နှင့် ၁၉၈၉၊ နိုဝင်ဘာ ၁၅၊ စာမျက်နှာ ၂၀ တက့ၢ်.
^ လံာ်အဆၢ. 8 တၢ်ဂ့ၢ်အါမးဘၣ်ဃးဒီး ပကြၢးရ့ဒီး ပဘူးပတံၢ်လၢဘၣ်တၢ်ဟီထီၣ်ကွံာ်တဂၤ ဒ်လဲၣ်န့ၣ်, ကွၢ်လံာ်စီဆှံအတၢ်ဟ့ၣ်ကူၣ်ဟ့ၣ်ဖးလၢ တၢ်ကတိၤသကိးဖဲ The Watchtower of April 15, 1988, pages 26-31, and September 15, 1981, pages 26-31.