Sibʼalaj bʼisobʼal chiʼ jun qafamiliar o jun qachiʼl che sibʼalaj kqaj kesax bʼi pa ri congregación rumal che kuya ta kan ubʼanik ri umak. Tekʼuriʼ, ri kqabʼan che unimaxik ri kubʼij ri Loqʼalaj Pixabʼ chiʼ kkʼulmataj wariʼ kukʼutu we qas kqaloqʼoqʼej ri Ajawaxel xuqujeʼ we öj sukʼ che ri kubʼij chaqe che kqabʼano. * Rumal laʼ, kqetaʼmaj chikij kʼi jastaq che weneʼ kbʼantajik.

¿La utz kqachilaj jun winaq chiʼ esam chi bʼi pa ri congregación? «Rajawaxik kitas iwibʼ chirij ri jun ri rukʼam ri bʼiʼaj ajachalal, we kʼu kubʼan makunik kukʼ ixoqibʼ achijabʼ, o we kurayij ri jastaq kenikʼiʼaj winaq chik, o we kebʼuqʼijilaj täq diosibʼ, o we kayoqʼonik, o we kaqabʼarik, o we elaqʼom. Ri je ubʼanik waʼ, mixwaʼ ne rukʼ.» (1 Corintios 5:11.) Xuqujeʼ, ri Loqʼalaj Pixabʼ kubʼij che ri winaq che «man kkanaj ta kan pa ri utzij ri Kristo» kqokisaj ta pa qachoch, «miyaʼ jun rutzil uwach. Ri jun che kuya rutzil uwach, xoqujeʼ junam uwach rukʼ ri jetaq itzel kubʼano» (2 Juan 9-11, TW). La Atalaya 15 rech noviembre 1981, pa ri uxaq 19, kubʼij che we kqabʼij jun ¡Saqarik! che jun winaq wariʼ «kʼo jujun mul are kubʼan ri nabʼe tzij rech kojkunik kojtzijon rukʼ jun winaq weneʼ rukʼ wariʼ kubʼan jun utz achiʼl. ¿La kqaj kqabʼan qachiʼl che jun winaq che esam chi bʼi pa ri congregación?». Rumal laʼ, chiʼ kesax bʼi jun winaq pa ri congregación, kqachilaj ta chik, kqachʼabʼej ta chik xuqujeʼ kqabʼan ta chi rukʼ ri jastaq rech ri qakojonik.

¿Jasche qas rajawaxik kqachilaj täj xuqujeʼ kqachʼabʼej täj? Rumal kʼi jastaq. Ri nabʼe are ri sukʼilal che ri Ajawaxel xuqujeʼ che ri Utzij. Rumal che qas kqaloqʼoqʼej ri Jehová kqaj kojniman che, pa neʼ kʼäx unimaxik. Xuqujeʼ, qetaʼm che areʼ sukʼ, kojuloqʼoqʼej, xuqujeʼ uyaʼom ri e utaqonik rech kqariq utzilal (Isaías 48:17; 1 Juan 5:3). Ri ukabʼ rumal che ri ajmak che kraj täj kuya kan ri umak are jun achilanik che utz täj. Rumal laʼ, chiʼ kqachilaj ta chik kqachajij ri qakʼaslemal xuqujeʼ ri qachilanik rukʼ ri Ajawaxel, xuqujeʼ rech chʼajchʼoj ri congregación (1 Corintios 5:6, 7). Ri urox rumal  are chiʼ kesax bʼi jun winaq pa ri congregación rukʼ wariʼ ktoʼik. ¿Jas kubʼan che utoʼik? We öj sukʼ che ri upixabʼ ri Jehová xuqujeʼ kqabʼan ri xkichaʼ ubʼanik ri e ajkʼamal bʼe che xkiqʼat tzij puwiʼ ri ajmak weneʼ kutoʼ, rumal che e ubʼanom ta ri kibʼim ri ajkʼamal täq bʼe che. Weneʼ, ri kqabʼano kopan pa ranimaʼ kubʼan che, che kukʼex ri ukʼaslemal. Chiʼ krilo che kʼot chi ri utzalaj rachilanik kukʼ ri winaq che kraj, weneʼ kul «kʼu [...] pa saq», kril ri unimal ri umak xuqujeʼ ri rajawaxik kubʼano rech ktzalij rukʼ ri Jehová (Lucas 15:17).

¿Jas kqabʼano we ri xesax bʼi pa ri congregación are jun qafamiliar? Ri qasukʼilal che ri Jehová kkʼejeʼ pa kʼäx chiʼ ri winaq che kesax bʼik areʼ jun qafamilia. We kkʼulmataj waʼ, ¿jas kqabʼano? Kqil ta ronojel ri rajawaxik kbʼanik, xaq xiw kqil kebʼ che nim kibʼanik.

Weneʼ ri xesax bʼi pa ri congregación kʼo kukʼ ri ufamilia pa kachoch. Tekʼuriʼ chiʼ jun winaq kesax bʼi pa ri congregación kraj ta kubʼij che kukʼex ri ufamilia, ri e ufamiliar utz che kkachilaj che ubʼanik ri jastaq pa ri kachoch. Tekʼuriʼ, rumal ri kisukʼilal che ri Jehová, kkibʼan ta rukʼ ri jastaq che kʼo ubʼanik rukʼ ri kiqʼijilanik che ri Ajawaxel, rumal che areʼ xuxutuj ri achilanik che kʼo chkixoʼl xuqujeʼ ri rachilanik rukʼ ri Jehová. Weneʼ ri ufamilia kkaj kkʼejeʼ kukʼ chiʼ kkibʼan ri kiqʼijilanik pa ri familia, tekʼuriʼ utz täj che kʼo kubʼano o ktobʼ che ubʼanik wajun riqbʼal ibʼ riʼ. Tekʼuriʼ, we majaʼ na ri ujunabʼ, ri utat o unan utz che kkitijoj rukʼ ri Loqʼalaj Pixabʼ, rumal che e areʼ rajawaxik kkikʼut chirij ri Utzij ri Ajawaxel chuwach xuqujeʼ kkipixbʼej (Proverbios 6:20-22; 29:17). *

Tekʼuriʼ, ¿we ri kesax bʼi pa ri congregación are jun chike ri tat nan o jun chike ri alkʼwalabʼ che kʼot chi pa ri kachoch? We je waʼ, ri sukʼ cristiano utz che kuchʼabʼej täj, xaq xiw we qas rajawaxik rumal jastaq che rajawaxik kkilo rumal che kifamiliar kibʼ. Xaq ta kkitzukuj jastaq rech kkachilaj kibʼ. Rumal ri kisukʼilal che ri Jehová xuqujeʼ che ri utinamit, nim kkil wi ri upixabʼ ri Ajawaxel. Kkaj  ri utz che ri kifamiliar, rukʼ ri kisukʼilal weneʼ kekun che utoʼik rech kubʼan ri pixabʼ che xbʼix che (Hebreos 12:11). *