Mastûrbasiya tiştekî ziyandar e û aliyê ruhanîda li ser meriya xirab hukum dike. Ji bo wî xeysetekî xirab meriv dibe xwehiz, û him jî nihêrandin û fikirên wî jî xirab dibe. * Kî ku hînî mastûrbasiyê dibe, li ser meriya usa dinihêre ça li ser kesên bi kîjana ku ew dikare xwestinê xweye sêksûalî bîne sêrî. Bona merivê usa heleqetiya sêksûalî îda hizkirinêva girêdayî nîne, sêks bona wî dibe çawa rêflêks, û ewî tirê ku sêks bona wê yekê ye wekî meriv vê momêntê rihet be. Mastûrbasiya xwestinên usa ça “bênamûsîyê, heramîyê, temê xirab” ne ku dikuje, lê pêşda tîne (Kolosî 3:5).

Pawlosê şandî giliyê usa got: “Delalno, de em xwe ji hemû kirêtîya qalib û ruhê xwe paqij kin û bi xofa Xwedê lap buhurtî-jibare bin” (2 Korintî 7:1). Hergê tera çetin e li gora wan giliya bijîyî, dilteng nebe. Yehowa timê hazir e bibaxşîne me û alî me bike (Zebûr 86:5; Lûqa 11:9-13).  Hergê dilê te, te sûcdar dike, û tu qewatê didî xebatê wekî ewî xeysetê xirab terk bidî, dêmek tu ser riya rast î. Usa jî bîra xweda xwey ke wekî “Xwedê ji dilê me mestir e û her tiştî zane” (1 Yûhenna 3:20). Xwedê ne ku tenê gunê me divîne, lê usa jî dilê me. Çimkî ew derheqa me hemû tiştî zane, çaxê em bi dua-dirozga tobe dikin, ew hazir e rema xwe bidê kifşê. Çaxê tiştek tê serê zar ew diçe berbi bavê xwe û alîkariyê dixwaze, usa jî em gerekê bi dil û milûktî Xwedêra dua bikin. Wî çaxî Yehowa wê te kerem ke û îsafa te jî wê temiz be (Zebûr 51:1-12, 17; Îşaya 1:18). Lê tu eseyî gerekê li gora duayên xwe bijîyî. Soz mesele, tu gerekê xwe xwey kî ji hemû cûre pornografiya, û ji hevaltiya xirab dûr bî. *

Hergê tu nikarî wî xeysetî terk bidî, wî çaxî tu dikarî alîkariyê bixwazî ji dê-bavê xweyî ku Mesîhî ne, yan jî ji hevalekî xweyî ruhanîda qewî (Metelok 1:8, 9; 1 Têsalonîkî 5:14; Tîto 2:3-5). *