APPENDICE
Gagne victoire dan ou la lutte kont masturbation
Masturbation li enn l’habitude ki faire di-tort lor plan spirituel. Li faire enn dimoune pense zis so prop satisfaction ek pense bann kitsoz ki gate so l’esprit. * Enn dimoune ki pratik masturbation kapav aussi finalement considere lezot zis couma bann l’objet sexuel—bann moyen pou li gagne enn satisfaction sexuel. Sa dimoune-la pa considere sexe couma enn fason pou deux dimoune exprime zot l’amour, mais couma enn reaction physik ki donne li enn plaisir zis pou enn ti moment ek soulage enn l’envie sexuel ki fort. Mais sa soulagement-la, li zis temporaire. En realité, au lieu ki masturbation detruire net bann membre nou lekor “en seki concerne la fornication, l’impureté, bann [mauvais] desir sexuel,” li excite zot encore plus.—Colossiens 3:5.
L’apotre Paul ti ecrire: “Mo bann frere ki mo bien content, . . . anou tire tou kitsoz ki sali nou lekor ek nou l’esprit pou nou kapav purifié-nou, ek pou ki nou kapav reussi vinn saint dan la crainte pou Bondié.” (2 Corinthiens 7:1) Si ou pé lutté pou suive sa conseil-la, pa perdi l’espoir. Jéhovah toujours “disposé pou pardonné” ek pou aidé. (Psaume 86:5; Luc 11:9-13) En realité, si ou leker pé condamne ou ek ou pé faire zeffort pou arrete sa mauvais l’habitude-la—mem si parfois ou retombe ladan—sa c’est enn signe ki ou ena enn bon l’attitude. Pa blié aussi ki “Bondié, Li pli grand ki nou leker ek Li konn tou kitsoz.” (1 Jean 3:20) Bondié pa guette zis nou bann peché; Li guette nou net. C’est a cause sa ki Li ecoute nou avek compassion kan nou suppliye Li avek tou nou leker pou Li montré misericorde envers nou. Alors fodé jamais ou fatigué pou tourne-ou vers Bondié ek prié Li avek l’humilité ek avek tou ou leker, pareil couma enn zenfant ki tourne-li vers so papa kan li dan probleme. Jéhovah pou donne ou enn conscience ki’nn purifié. (Psaume 51:1-12; Isaïe 1:18) Bien sur, ou bizin faire seki necessaire pou agir en accord avek ou bann la priere. Par exemple, ou bizin rejette pornographie dan n’importe ki forme ek aussi bann mauvais frequentation. *
Si ou pa pé reussi lutté kont probleme masturbation, li pou bon ki ou koz sa avek enn ou parent chretien ou-soit avek enn camarade ki mur lor plan spirituel ek ki content ou. *—Proverbes 1:8, 9; 1 Thessaloniciens 5:14; Tite 2:3-5.
^ par. 1 Masturbation c’est kan enn dimoune caresse ou-soit frotte so bann organe sexuel. Generalement li faire sa ziska ki li arrive point pli fort dan l’excitation sexuel.
^ par. 2 Pou kapav ena enn controle, beaucoup famille inn trouve sa pratik pou installe zot computer dan enn place kot tou dimoune allé-vini. En plus certain famille acheté bann programme ki empeche bann renseignement ou-soit bann zimage ki zot pa envie, apparette lor zot l’ecran. Mais pena okenn programme ki cent pour cent sur.
^ par. 1 Ou pou trouve bann conseil pratik lor fason pou lutte kont masturbation, dan lartik “ Les jeunes s’interrogent... Comment vaincre cette habitude ? ” dan Réveillez-vous ! novembre 2006, ek livre Les jeunes s’interrogent — Réponses pratiques, volume 1, page 205-11.
