Karolo 1

Batho ba Bong bjo bo Fapanego le bja Gago

O bona mošemane le ngwanenyana ba swarane ka matsogo ge ba dutše ba sepela ka go iketla ditsejaneng tša meago ya sekolo ba etšwa klaseng e nngwe ba eya go e nngwe. O ikwa bjang?

□ Ga o na taba

□ O hufega go se nene

□ O tloga o ba duma

O lefelong la go bogela dipaesekopo le bagwera ba gago ge o lemoga gore yo mongwe le yo mongwe o na le lesogana goba kgarebe ya gagwe, ka ntle le wena! O ikwa bjang?

□ Ga o na taba

□ O ikwa o na le dihlong

□ O tloga o ba duma

Mogwera wa gago wa paala o sa tšwa go thoma go kgahlegela motho wa bong bjo bo fapanego le bja gagwe gomme ga bjale o beana mabaka le yena. O ikwa bjang?

□ O thabile

□ O hufega go se nene

□ O a galefa

Mošemane o na le ngwanenyana, ngwanenyana o na le mošemane. O ba bona mo gohle—sekolong, ditarateng le toropong. Nako le nako ge o ba bona, o ikwa o tloga o kganyoga go swana le bona. Eupša na o loketše go beana mabaka? Ge e ba go le bjalo, o ka hwetša bjang motho yo a go swanetšego? Ge e ba o ka mo hwetša, le ka dira bjang gore le dule le hlwekile boitshwarong ge le dutše le beana mabaka? Kgaolo 1-5 e tla go thuša go araba dipotšišo tšeo.

 [Seswantšho se se tletšego letlakala go letlakala 12, 13]