Waynawan sipaswan
1 RAKʼIY
Waynawan sipaswan
Juk waynawan juk sipaswan yachaywasipi makinkumanta japʼinakuspa purichkanku. Chayta rikuspa, ¿imayná sientekunki?
□ Allillan
□ Tumpata envidiakuni
□ Anchata envidiakuni
Amigosniykiwan juk peliculata qhawaq rinki, chaypitaq sapa juk, juk sipaswan kachkanku, qamrí sapayllayki kachkanki. ¿Imayna chay rato sientekunki?
□ Allillan
□ Mana allinchu
□ Envidiamanta wañurquchkaniña
May munasqa amigoyki juk sipaswan lluqsiyta qallarin. Chayta yachaspa, ¿imayná sientekunki?
□ Kusikuni
□ Tumpata envidiakuni
□ Mayta phiñakuni
Yachaywasipi, callespi... Mayllapipis rikunkipuni juk waynawan juk sipaswan khuska purichkaqta. Rikuspataq, qampis kikinta puriyta munanki. Chaywanpis, ¿wakichisqachu kachkanki juk waynawan chayri juk sipaswan riqsinakunaykipaq? Jina kaptinqa, ¿imaynatá yachawaq qampaqjina kasqanta? Qampaqjina munakusqaykita tarinkiña chayqa, ¿imatá ruwawaq, khuchichakuypi mana urmanaykipaq? Kay tapuykunaman kutichiykunata tarinaykipaqqa, 1-5 yachaqanakama ñawiriy.
[12, 13 paginaspi hojantinpi dibujo/foto]