Yatiqaskañ sarnaqäwinaka: José

José waynax jan waltʼäwinwa jikxatasïna. Uywiripan warmipaw sapür jupamp ikintasiñataki parlxayirïna. Ukampis jupax janiw uk lurañ munkänti. Wasitat arxayataxa, Joseyax qhana arunakampiw akham säna: “¿Kunjamaraki nayasti uywirixarusti uka jan wali luririststi, ukhamarak Dios contrasa juch lurarakiriststi?” sasa. Ukham jan munipanxa, uka warmix isipat waythapïna, jupax ukham luratax jan payachasisaw utat tʼijsuwayxäna. Ukhamax Joseyax suma sarnaqir jaqïnwa (Génesis 39:7-12).

Inas jumax ukham jan waltʼäwin uñjaschisma. Ukar jan iyaw sañatakixa, janiw jañchin munañapar atipjañakix wakiskiti: taqi chuyma Jehová Diosar kusisiyañwa munañama. Joseyan chuymapanxa warmir munañax utjpachänwa, inas juman chuymaman ukham amtanakax utjarakchispa, ukampisa, Joseyax janipuniw jañchin munañaparjam juch lurasax Jehová Diosan chuymap ustʼayañ munkänti. Ak sum amuyasma, kuntï Bibliax siski ukarjam jan sarnaqkäta ukhaxa, Diosaruw chuym ustʼayäta ukat tiempompix jan waltʼäwiruw purisma. Ukhamasti, Joseyax kunjam jaqïnsa uk yatiqasiñataki ukat ukarjam sarnaqañatak chʼamachasisma ukax wali askïspawa.