Paykunajina ruwanaykipaq: José

José juk jatun chʼampaypi rikukurqa. Patronninpa warminqa, paywan puñuykunanta sapa kuti nirqa. Josetaqrí mana uyariqllapis tukuqchu. Watiqmanta patronninpa warin puñuykuna niptin, Joseqa sutʼita nirqa: “Imaynatataq noqa ruwasaj [...] chay millaytari, juchallikusajtaj Diospa contrampiri?”, nispa. Chayta niptintaq chay warmiqa, Joseta pʼachanmanta japʼiykurqa: puñuna nispa, Josetaqrí mana iskaychakuspa chay wasimanta usqhayllata ayqirqa. Ajinamanta Joseqa, llimphu kawsayta jatunpaq qhawasqanta rikuchirqa (Génesis 39:7-12).

Ichá maykʼaqllapis kikin chʼampaypi rikukuwaq. Chayrayku khuchichakuypi mana urmanaykipaq munayniykita atipayta yachanayki tiyan, chantá Ruwaqniykita, mayta kusichiyta munanayki tiyan. Qamjina Josepis, qhariwarjina puñuykuyta munayniyuq karqa, chaywanpis Jehovata mana phiñachiyta munasqanrayku, khuchichakuypi urmaytaqa mana yuyallarqapischu. Ama kayta qunqaychu: Bibliap kamachisqanta mana kasukuptiykiqa, Dosta phiñachinki, mayta ñakʼarinki ima. Chayrayku Josejina llimphu kawsayniyuq kanallaykipaqpuni, mayta kallpachakuy.