Maayong Panig-ingnan​—Lydia

Bisag bag-ohan pa lang nga tinun-an si Lydia, siya wala maghulat nga may mosulti pa kaniya sa pag-abiabi kang Pablo ug sa iyang mga kauban. (Buhat 16:14, 15) Tungod niini nakapribilehiyo siya sa pagpakig-uban niining maong mga tinun-an. Sa dihang gipagawas sa prisohan si Pablo ug Silas, diin sila miadto? Midiretso sila sa balay ni Lydia!​—Buhat 16:40.

Sama kang Lydia, dili ka na ba mistil sultihan sa pagpakig-ilaila sa uban? Unsay imong himoon? Sugod ug ginagmay. Pakig-estorya sa usa lang una ka tawo. Paningkamoti gyod nga makasugod ka sa pagpakig-estorya sa usa lang una ka tawo matag higayong motambong kag Kristohanong tigom. Pahiyom. Kon dili ka mahibalo kon unsay isulti, pangutana o pag-estorya bahin sa imong kaugalingon. Paminaw ug maayo. Sa ngadto-ngadto, dili ka na magpanuko sa pagpakig-estorya. Ang mga tawo ganahang makig-estorya kon kinasingkasing ug matinahoron kang makig-estorya kanila. (Proverbio 16:24) Tungod sa pagkamahigalaon ug pagkamaabiabihon ni Lydia, gipanalanginan siya ug maayong mga higala. Kon mosundog ka sa iyang maayong panig-ingnan, mapanalanginan ka usab ug maayong mga higala!