Mohlala​—Lidia

Gaešita le ge Lidia e be e sa tšwa go ba modumedi, o ile a gata mogato wa pele wa gore a amogele Paulo le bagwera ba gagwe. (Ditiro 16:14, 15) Ka baka leo, o ile a ba le tokelo ya go thabela segwera le barutiwa ba. Ka morago ga gore Paulo le Silase ba lokollwe kgolegong, ba ile ba ya kae? Ba ile ba boela legaeng la Lidia!—Ditiro 16:40.

Ka go swana le Lidia, na o ka gata mogato wa pele wa gore o tsebe batho ba bangwe? O ka dira seo bjang? Thoma ka dilo tše dinyenyane. Leka go thoma ka go boledišana le motho o tee. O ka ipeela pakane ya go thoma poledišano le motho o tee nako e nngwe le e nngwe ge o le dibokeng tša Bokriste. Leka go myemyela. Ge e ba o sa tsebe gore o reng, botšiša dipotšišo goba o bolele selo se itšego ka wena. Eba motheetši yo botse. Ge nako e tšwela pele, o ka ikwa o lokologa go bolela dilo tše dingwe. Gantši batho ba arabela gabotse mantšung a tšwago pelong ao a lego botho le ao a kgahlišago. (Diema 16:24) Ka ge a be a na le bogwera le moya wa go amogela baeng, Lidia o ile a šegofatšwa ka bagwera ba babotse. Ge e ba o ekiša mohlala wa gagwe, le wena o tla šegofatšwa!