Paykunajina ruwanaykipaq: Pablo

Apóstol Pabloqa, pantaq runa kasqanta sutʼita reparakurqa. Chayrayku nirqa: “Allin kajta ruwayta munajtiy, sajra kajlla noqapi kashan”, nispa. Chaywanpis payqa kʼacha runa karqa, tukuy imatapis allinta ruwayta munarqa. Pay qillqarqa: “Sonqoypeqa Diospa leynimpi kusikuni”, nispa. Jina kaptin, ¿imaraykutaq allin kaqta ruwayta mana atillarqachu? Pay nin: “Chanta waj leyta [...] rikuni, chaytaj sonqoypa contrampi kashan; presochasqata jucha ruwayman pusawan, mayqenchus noqapi kashan, chayman”. Chantá, pantasqasnin mayta llakichisqanrayku jinata nirqa: “Ay, imanallasajtaj”, nispa (Romanos 7:21-24).

¿Kikin chʼampaypichu rikukunki? ¿Imapipis pantaspa llakikunkichu? Yuyarikuy, Pablopis wakin kuti jinata llakikusqanta. Chaywanpis payqa, Cristo juchamanta kacharichinawanchikpaq wañupusqanta yachasqanrayku, nirqa: “Diosman graciasta qoni, imaraykuchus paymin kacharichiwan Señorninchej Jesucristonejta”, nispa (Romanos 7:25). Pablopaqqa, Jesús juchamanta rantiwasqanchik, manchay munakuywan qusqa regalojina karqa. Pablo nirqa: “Paymin munakuwarqa, noqaraykutaj wañuchisqa kanampaj jaywaykukorqa”, nispa (Gálatas 2:20). Imallapipis pantasqaykirayku llakikuspaqa, Jesús ñuqanchikrayku wañupusqanpi tʼukuriy. Mana ni jaykʼaq qunqaychu Cristo kawsayninta juchasapa runasrayku qusqanta, manataq mana pantaq runasraykuchu.