Mabuting Halimbawa​—Pablo

Kilala ni apostol Pablo ang kaniyang sarili. Inamin niya: “Kapag nais kong gawin ang tama, yaong masama ay narito sa akin.” Gustong gawin ni Pablo ang tama. “Tunay ngang nalulugod ako sa kautusan ng Diyos ayon sa aking pagkatao,” ang sabi niya. Kaya ano ang problema? Sinabi ni Pablo: “Nakikita ko . . . ang isa pang kautusan na nakikipagdigma laban sa kautusan ng aking pag-iisip at dinadala akong bihag sa kautusan ng kasalanan na nasa aking mga sangkap.” Nalungkot si Pablo sa kaniyang mga pagkakamali. “Miserableng tao ako!” ang sabi niya.​—Roma 7:21-24.

Nasasabi mo rin ba ito sa sarili mo kapag nagkakamali ka? Kung oo, tandaan mong iyan din ang nadama ni Pablo. Pero alam din niya na namatay si Kristo para sa mga taong gaya niya. Kaya naman naibulalas niya: “Salamat sa Diyos sa pamamagitan ni Jesu-Kristo na ating Panginoon!” (Roma 7:25) Itinuring ni Pablo na isang regalo para sa kaniya ang pantubos. Isinulat niya: ‘Ang Anak ng Diyos ay umibig sa akin at nagbigay ng kaniyang sarili para sa akin.’ (Galacia 2:20) Kapag nalulungkot ka, bulay-bulayin ang tungkol sa pantubos. At kung nasisiraan ka ng loob dahil sa iyong mga pagkakamali, huwag mong kalilimutang namatay si Kristo para sa mga taong makasalanan, hindi para sa mga taong perpekto, o sakdal.