1. Vajtswv yog kev hlub, nws caw tias,

‘Nrog nraim kuv, taug kuv txojkev.’

Yog peb hlub Vajtswv, neeg zej zog,

Thiab coj zoo txhua hnub tsis tseg,

Peb yuav tau lub neej muaj ntsiab rau;

Peb yuav pom lub neej peb ntshaw.

Peb yuav muaj Khetos txojkev hlub,

Txojkev hlub uas tsis paub kawg.

2. Nyiam qhov tseeb thiab hlub Yehauvas;

Peb thiaj paub sib hlub sib pab.

Thaum peb ntog Vajtswv yuav pab tsa;

Peb qaug zog nws yuav txhawb nqa.

Kev hlub pab peb ua neeg dawb huv;

Tsis khib xeeb, coj zoo, thev taus.

Thov peb hlub peb cov kwvtij tiag.

Peb thiaj pom kev hlub txaus nkaus.

3. Tsis txhob cia luag ua koj tu siab;

Tsis txhob xyaum ua neeg chim sai.

Cia Vajtswv coj koj txoj hau kev;

Nws yuav qhia koj nws tej cai:

Hlub Vajtswv thiab tibneeg zej zog,

Txojkev hlub yeej mus li no.

Thov cia peb hlub sawvdaws txhua nrho,

Yam li Vajtswv hlub peb mog.