Ambahanon 98
Pagsab-ug sa Binhi sang Ginharian
1. Mga ulipon ni Jehova
Makugi sa buluhaton.
Ang aton Agalon tumana
Kag iya tikang iluga.
Binhi isab-ug nga wa’y kahadlok
Sa mga tagipusuon.
Maayong bunga nagadayaw sa Dios;
Makigbahin kita sing bug-os.
2. Pila sa binhi ang ginsab-ug
Sa dutang tuman katig-a.
Nian sa umpisa magabaton
Apang wala magpadayon.
Kon kalibutan aton unahon
Malumsan tagipusuon.
Apang may mga binhi nga matubo,
Gikan sa duta nga maayo.
3. Pagwali magmadinalag-on
Kon imo panikasugan,
Magpadayon sa pagbantala
Ayhan magpamati sila.
Kon kalum-ok aton ipakita
Kahadlok nila madula.
Nian katluan ukon isa ka gatos,
Magaani kita sing bug-os.
(Tan-awa man ang Mat. 13:19-23; 22:37.)