1. Heyr allir sem Jehóva elskið,

af öllu’ ykkar hjarta og sál.

Kom út í starf meistara okkar,

hans aðferðir notið og mál.

Nú óttalaust sáum sannri guðstrú

í sannleikans leitandi hug.

Til vegs Guði ávöxtur okkar er þá

þegar akri hans sinnum af dug.

2. Sum frækornin tvístrast á foldu

er fólk sýnir viðbrögðin dræm.

Þótt sumir fyrst boðskapnum sinni

þá sést fljótt ef hvötin er slæm.

Ef þyrnarnir orðið þagga í hel

er þrá heimsins gæða of sterk.

En eitt og eitt dafnar til ánægju þér

frá jörð ágætri sem ber góð verk.

3. En árangur erfiðis okkar,

hann oft kominn er undir því,

með natni og náungakærleik

að ná hjörtum auðmjúkra’ á ný.

Með árvekni getum óttanum eytt,

með alúð en djörf kennum allt.

Og þannig með fögnuði þú uppskerð gnótt,

allt frá þrítug- upp í hundraðfalt.