Wer 98
Chwoyo Kodhi mag Pinyruoth
1. Biuru jotich mag Jehova,
Ma tiyone gi chunyu te.
Tiuru tich mar Ruodhwa Yesu,
Kuluwo ranyisi mare.
Chwo koth adiera ne jo mowinji,
Chwo kodhi kendo kik iluor.
Nyasaye opak nikech tiju maber,
Kutiyone gi teko duto.
2. Moko kuom kodhi be wachwoyo,
E chuny ji machal ka kidi.
Ka girwako wach ma walando,
Chunygi biro ng’ere achien.
Kuthe thung’o wach, guondo pong’o chuny;
Nikech gihero gige piny.
Kodhi moko dongo, kendo nyak maber
E lowo maber kendo mayom.
3. Ka itimo kinda e tijni
Inyalo yudo nyak mang’eny.
Kinyiso ji hera gi horuok,
Chunygi nyalo yie winjo wach.
Ka idewogi gibedo gi chir,
Moko kuomgi bedo mamuol.
Kendo iniyud keyo ka in gi mor
Nyadi mia kata pier adek.
(Ne bende Mat. 13:19-23; 22:37.)