Ohàn 103
“Sọn Whédegbè jẹ Whédegbè”
1. Sọn whédegbè jẹ whédegbè,
Mí hó Jẹwhe tọn lá.
Sọn ’tò de mẹ jẹ ’tò de mẹ,
Mí lẹngbọ Jah tọn yìn.
Wẹ̀n lọ dọ Họl’duta ko bẹ
Dile Jesu dọ do,
Wẹ jọja po mẹho lẹ po
To lilá lẹdo pé.
2. Sọn họ̀n de kọ̀n jẹ họ̀n de kọ̀n,
Whlẹngán lá wẹ mí te.
Gbẹtọ lẹ dona de dide
Nado ylọ ’yín Jah tọn.
Na yé sọgan ylọ ’yín Mẹhe
Yé ma ka yọnẹn tọn do?
Enẹwutu ’yín wiwe lọ
Dona yì jẹ yé dè.
3. Gbọ mí ni yì kunnudegbe
Nado lá Họl’du lọ.
Gbẹtọ lẹ ni de na yede
Nado yí kavi gbẹ́.
Mí na lá ’yín Jehovah tọn,
Po nugbo etọn po.
Dile mí to owẹ̀n lọ lá,
Mí na mọ lẹngbọ lẹ.
(Sọ pọ́n Owalọ 2:21; Lom. 10:14.)