1. Joonaj joonaj, najil najil

u Tʼaan Dios táan k-bisik.

Kaajil kaajil, tuláakal tuʼux,

u tamanoʼob k-kaxtik.

Le Reyoʼ táan u gobernar,

jach kʼaʼabéet k-tsikbaltik.

Kex táankelem wa kex nojcheʼ,

u Tʼaan Dios ku bisik.

2. Joonaj joonaj, najil najil

táan k-kʼaʼaytik salvación.

Le kuxtalaʼ yaan u kʼamik

chéen máax meyajtik Dios.

Baʼaleʼ ¿bix ken u meyajtoʼob

wa maʼ tu kʼaʼaytaʼaltiʼob?

Le oʼolaleʼ kʼaʼabéet k-bisik

u kiliʼich kʼaabaʼ Dios.

3. Koʼox tsikbaltik najil najil

u Reino Jéeoba Dios.

Kex yaʼab máax maʼ ken u kʼameʼ

toʼoneʼ yaan k-kʼaʼaytiktiʼob.

Beyoʼ minaʼan u yaʼalikoʼob:

«Mix máak natsʼen tiʼ Dios».

Joonaj joonaj, najil najil

táan k-kʼaʼaytik u Tʼaan Dios.