Ме тӱрлӧ элыште илена да шуко тӱрлӧ йылме дене ойлена гынат, мемнам ик цель уша. Эн ончыч мемнан Иеговам, Библийын Юмыжым да чылажымат Ыштышым, чапландарымына шуэш. Ме Иисус Христос гаяк лияш тыршена да христиан маналташ мыланна чап. Еҥ-влаклан Библий да Юмын Кугыжаныш нерген пален налаш полшаш манын, мемнан кокла гыч кажныже эре жапым ойыра. Ме Иегова Юмо да тудын Кугыжанышыже нерген таныклена, але каласкалена, сандене мемнам Иегован Таныкше-влак семын палат.

Мемнан сайтнам ончен лекса. Библийым онлайн лудса. Мемнан нерген да мемнан туныктымашна нерген шукырак пален налза.