1. Úuchjeakileʼ jach kʼaas k-kuxtal,

maʼatech k-xokik u Tʼaan Jéeoba.

Dios túuneʼ tu yeʼesajtoʼon

le bej ku tsʼáaik le sáasiloʼ.

Beyoʼ t-ilaj baʼax uts tu tʼaan

ka joʼopʼ túun k-beetik baʼax u kʼáat.

Jóokʼoʼon xan teʼ kʼaʼaytajoʼ

tiaʼal u kʼaj óoltaʼal u nojbeʼeniloʼ.

Teʼ kʼiinoʼobaʼ yaʼab meyaj yaan,

k-ilik k-kaxtik tuláakal máak.

K-jach áantikoʼob, k-tsʼáaik sáasil tiʼob

tiaʼal u kʼamkoʼob xan u Tʼaan Dios.

Tumen k-tsʼáaik k-óol teʼ kʼaʼaytajoʼ

yaʼab máak kʼamik le péektsiloʼ.

K-kʼáat k-meyajt Jéeoba mantatsʼ

tak ken u yaʼal tsʼokaʼan le meyajaʼ.