Kʼaay 9
¡Koʼoneʼex kiʼikiʼtʼantik Jéeoba!
1. ¡Kiʼikiʼtʼant! ¡Kiʼikiʼtʼant Jéeoba!
Unaj k-kʼaʼaytik u kʼaabaʼ xan.
Táan k-ilik tsʼu kʼuchul u kʼiin,
koʼoneʼex kʼaʼaytik tiʼ tuláakal máak.
Dioseʼ kiaʼalik tsʼoʼok u náatsʼal u kʼiin
utiaʼal u gobernar u Paal.
Kʼaʼabéet k-tsikbaltik tuláakal le baʼax
ken u tsʼáatoʼon Jéeoba Diosaʼ.
(CORO)
¡Kiʼikiʼtʼant! ¡Kiʼikiʼtʼant Jéeoba!
¡Kʼaʼayt u kiʼichkelem kʼaabaʼ mantatsʼ!
2. ¡Kiʼikiʼtʼant! ¡Kiʼikiʼtʼant Jéeoba!
¡Koʼoneʼex kʼaay yéetel kiʼimak óol!
Yéetel xan chúukaʼan puksiʼikʼal
koʼoneʼex kʼaʼaytik u nojbeʼenil Dios.
Kex jach táaj nojoch u páajtalileʼ
letiʼeʼ kieʼesik kabal u yóol.
Ku chʼaʼik óotsilil, jach u yaabiltmoʼon,
mix bikʼin ken u xúumpʼattoʼon.
(CORO)
¡Kiʼikiʼtʼant! ¡Kiʼikiʼtʼant Jéeoba!
¡Kʼaʼayt u kiʼichkelem kʼaabaʼ mantatsʼ!
(Ilaʼak xan Sal. 89:27; 105:1; Jer. 33:11.)
