Ohàn 10
“Yẹn Die; Do Mi Hlan”
1. Gbẹtọ lẹ nọ kọ̀n masin do
Oyín dagbe Jẹwhe tọn go.
Mẹdelẹ dọ Jẹwhe ylanhùn.
Klenọ dọ “Jẹwhe de ma tin!”
Mẹ wẹ na klọ ’yín Jah tọn wé?
Mẹ wẹ na lá gigo ’tọn pé?
“Oklunọ, yẹn die! Do mi hlan.
N’na yí hundopo do pà we.
(HÀNGBEPLI)
Yẹyi he sọ humọ de ma tin.
Klunọ yẹn die! Do mi hlan.”
2. Yé nọ zánnu dọ Jah dọngbàn;
Yé ma tlẹ dibusi Jẹwhe.
Mẹdelẹ nọ sẹ̀n boṣiọ lẹ;
Mẹdelẹ nọ sẹ̀n Sesali.
Mẹ wẹ na dọ nue ja na yé?
Mẹ na lá ’whàn Jah tọn na yé?
“Oklunọ, yẹn die! Do mi hlan.
N’na lá ’vase lọ madibu.
(HÀNGBEPLI)
Yẹyi he sọ humọ de ma tin.
Klunọ yẹn die! Do mi hlan.”
3. Homẹmiọnnọ lẹ to hunwẹn
Na ylanwa to susudeji.
Yé nọ yí hundopo do dín
Nugbo he nọ hẹn ahun vò.
Mẹ na na tuli whiwhẹnọ?
Mẹ na plọn yé dodowiwa?
“Oklunọ, yẹn die! Do mi hlan.
N’na whesọ do plọn whiwhẹnọ.
(HÀNGBEPLI)
Yẹyi he sọ humọ de ma tin.
Klunọ yẹn die! Do mi hlan.”