Olhwimbo 10
‘Ingye Yono Hano! Wunyithume’
1. Lino ’bandu bakatsuma,
Erina lya Nyamuhanga.
Babugha ’ndi ni mutseke;
Mutsurumi, ’ndi ‘syaliho.’
Nindi oyukendi ryerya?
Nindi yukendi mupipa?
‘Ingye yono! Wunyithume.
Ngend’imba erikupipa.
(KORASI))
Sihali lhusunzo ng’olhu.
Ingye yono! Wunyithume.’
2. Basek’indi amamalha;
Sibubaha Nyamuhanga.
’Bandi baramya sanamu;
N’eriramya Kaisari.
Nindi yukibahabulha?
’Kwa lhuhi lhwa Nyamuhanga?
‘Ingye yono! Wunyithume.
Ngendi kunga buthubaha.
(KORASI)
Sihali lhusunzo ng’olhu.
Ingye yono! Wunyithume.’
3. Lino abolho basimba
Kundi ’bubi bukongera.
N’omuthima ow’obwolho
Bakaronda ekwenene.
Nindi yukibakirania?
Babane ’rithunganene?
‘Ingye yono! Wunyithume.
Ngibeghesya bwolhobwolho.
(KORASI)
Sihali lhusunzo ng’olhu.
Ingye yono! Wunyithume.’
(Kandi lebaya Esy. 10:4; Eze. 9:4.)
