တၢ်သးဝံၣ် ၁၀
“ကွၢ်ကွၢ်, ယၤလီၤ မၢလီၤယၤတက့ၢ်”
၁. ပှၤအါဂၤလၢ မုၢ်တနံၤအံၤ,
စံးအၢဒုၣ်ဒွဲၣ်ဝဲ ယွၤအမံၤ.
တနီၤစံးယွၤ, သူၣ်အၢသးသီ.
ပှၤဟးဂီၤဖိစံး “ယွၤတအိၣ်.”
ယွၤအမံၤကကဆှီထီၣ်ဂီၢ်,
မတၤကလဲၤစံၣ်တဲၤတဲလီၤ.
“ကွၢ်ကွၢ်, ယၤလီၤ ပျဲလီၤဘၣ်ယၤ,
ယကသးဝံၣ် စံးပတြၢၤနၤ.
(ခိရၢာ်)
တၢ်ခွဲးယာ်ဒိၣ်န့ၢ်တၢ်အံၤတအိၣ်.
မၢယၤ, မၢလီၤယၤ စၢ်ဧၢ.”
၂. ပှၤလၢတသ့ၣ်ညါ တၢ်ပျံၤယွၤ,
စံးအၢယွၤ သုးနံၤ သီတဖၣ်.
တနီၤဘူၣ်ဘါတၢ်ဂီၤတဖၣ်,
တနီၤပာ် ‘ကဲစၢ်’ ဒ်အယွၤ.
မတၤကတဲ ပှၤအၢပှၤသီ
လၢယွၤမုၢ်စံၣ်ညီၣ် နံၤဘူးထီၣ်.
“ကွၢ်ကွၢ်, ယၤလီၤ ပျဲလီၤဘၣ်ယၤ.
ယကဟ့ၣ်ပလီၢ်ပှၤ ကိးဂၤ.
(ခိရၢာ်)
တၢ်ခွဲးယာ်ဒိၣ်န့ၢ်တၢ်အံၤတအိၣ်.
မၢယၤ, မၢလီၤယၤ စၢ်ဧၢ.”
၃. စိၤခဲအံၤ တၢ်အၢအိၣ်အါမး
ပှၤဆီၣ်လီၤသး ကအုကစွါ.
လၢတၢ်သးတီ လူၤဃုဝဲဒၣ်
တၢ်မ့ၢ်တၢ်တီ အတၢ်သ့ၣ်ညါ.
မတၤကလဲၤမၤမုာ် ပှၤသး
ကမၤစၢၤ ဃုတၢ်တီတၢ်လိၤ.
“ကွၢ်ကွၢ်, ယၤလီၤ ပျဲလီၤဘၣ်ယၤ.
ယကသးစူၤ သိၣ်လိပှၤဂၤ.
(ခိရၢာ်)
တၢ်ခွဲးယာ်ဒိၣ်န့ၢ်တၢ်အံၤတအိၣ်.
မၢယၤ, မၢလီၤယၤ စၢ်ဧၢ.”
(ကွၢ်စ့ၢ်ကီး စံး. ၁၀:၄; ဃ့း. ၉:၄ တက့ၢ်.)
