Wer 10
“An Ka; Ora”
1. Ndalogi ji chayo nyinge,
Nyingno maler mar Nyasaye,
Giriambo ni Nyasaye ger,
Gikok ni, ‘Nyasaye onge!’
En ng’a ma biro yie ote
Mar dhi pwodho nying Nyasaye?
‘A Ruoth an ka; ora adhi,
Adhi apak nyingi maler.
(KORAS)
En gueth maduong’ mar pako nyingi.
Ruoth ora mondo adhi.’
2. Giwacho Nyasaye deko;
Ok gimiye luor modwaro,
Gilamo gik mopa maket,
Kaisari be gilamo.
En ng’a ma biro chiwo siem
Ni lwenj Har–Magedon chiegni?
‘A Ruoth an ka; ora adhi,
Achiw siemno ma ok aluor.
(KORAS)
En gueth maduong’ mar pako nyingi.
Ruoth ora mondo adhi.’
3. Ndalogi joma muol to ywak,
Richo mag pinyni medore.
Gimanyo gi chunygi duto
Adier ma wuok kuom Nyasaye.
En ng’a ma biro hoyogi?
En ng’a ma biro puonjogi?
‘A Ruoth an ka; ora adhi,
Apuonjgi gi horuok duto.
(KORAS)
En gueth maduong’ mar pako nyingi.
Ruoth ora mondo adhi.’
(Ne bende Zab. 10:4; Eze. 9:4.)
