Ohàn 114
Owe Jiwheyẹwhe Tọn—Adọkun De
1. Owe de tin he nọ hẹn jijọho wá,
Bosọ nọ namẹ yajẹ, todido.
Nuhe t’e mẹ lẹ sọ dohuhlọn tlala;
E nọ hẹnmẹ wá gbẹ̀, hẹnmẹ mọnú.
Owe họakuẹ enẹ wẹ Biblu Wiwe,
He yin kinkàn to gbọdo Jah tọn glọ,
Gbọn sunnu he yiwanna Jah lẹ dali,
Le gbigbọ wiwe t’anadena yé.
2. Yé kanwe gando nudida Jah tọn go,
Le wẹkẹ wá gbọn huhlọn ’tọn mẹ do.
Yé sọ dọ ga dọ ylando ma tin dai
Bo do le Paladisi bu do hia.
Yé sọ dọho angẹli de tọn na mí
He diọnukunsọ gandudu Jah tọn.
Ehe wẹ hẹn ylando p’awubla po wá,
Ṣigba madẹn din Jẹwhe na gbawhàn.
3. Ojlẹ ayajẹ tọn mẹ wẹ mí te din.
Klisti to gandu, Họl’du Jah tọn wá.
Azán whlẹngán Jehovah tọn wẹ ehe
Na mẹhe to ’jlo etọn wà lẹpo.
Owe ’tọn mẹ wẹ wẹndagbe helẹ te;
Núdùdù dojó gbigbọmẹ tọn wẹ.
E sọ nọ namẹ yajẹ he ma yọnjlẹ;
Adọkun ehe nọ dọ̀n hihiatọ.
(Sọ pọ́n 2 Tim. 3:16; 2 Pita 1:21.)
