1. Buluku bie edwɛkɛ dɔɔnwo wɔ nu

Mɔɔ maa yɛ nye die, yɛ nzo nu dwo yɛ.

Tumi kpole wɔ edwɛkɛ ne anu.

Menli mɔɔ bɛtie la nyia ngoane.

Buluku ɛhye a le Baebolo ne.

Ɔmanle menli a hɛlɛle a.

Ɛnee bɛkulo Gyihova Nyamenle.

Ɔmanle bɛ sunsum nwuanzanwuanza.

2. Buluku ne ka Nyamenle abɔdeɛ,

Kɛzi bɛrale anwo edwɛkɛ.

Ɔka kɛzi ɛnee sonla di munli

Nee kɛzi Paladaese minlinle.

Ɔhanle anwumabɔvolɛ bie

Mɔɔ dwazole tiale Nyamenle la.

Dwazotia ne vale ɛtane rale.

Ɔnrɛhyɛ Gyihova bali konim.

 3. Ɛnɛ yɛde anyelielɛ mekɛ nu.

Nyamenle Belemgbunlililɛ ‘ra.

Menli mɔɔ sonle Gyihova kpalɛ la

Amuala banyia dahuu ngoane.

Buluku ne ka edwɛkɛ ɛhye mɔ;

Saa yɛkenga a ɔmaa yɛ nye die.

Ɔmaa yɛnyia anzondwolɛ molozo.

Buluku ne sonle bolɛ maa yɛ.