1. Walay libron say iter to’d totoo,

Bilay, liket, deen, tan ilalo.

Say mensahe na satan et mapuersa;

Saray “bulag” ikdan toy liwawa.

Sayan libro et say Masanton Biblia.

Insulat na saray pinuyanan,

Totoon inad-aro day Jehova,

Espirituy Dios so angiwanwan.

2. Insulat day rekord na impamalsa,

No panon a talbay pinalesa,

Tan diad gapo, too so ayadyari,

Balet ta Paraisoy naandi.

Walay anghel a sinmumpa’d Jehova,

Soberanyay Dios kinalaban to.

Nansumpal ya’d ermen tan kasalanan,

Balet manbiktorya so Dios tayo.

 3. Natan lay panaon na panggayaga

Ta manaari lay Jesu-Kristo.

Agew lay pangilaban nen Jehova

Ed saramay mansiansia’d dapag to.

Lugay Biblia ’yan maong a balita;

Napno ed sagrado iran yaman.

Mangiter na deen na kanonotan;

Panliketan so pambasa’d satan.