Tlakuikali 13
Timotlasojkamatij ika tlatlaujtilistli
(Salmo 95:2)
1. Tiueyititok toTajtsin Jehová,
timitsueyichiuaskej nochipa.
Ompa iluikak te titechkaki
uan techmaluia, tlasojkamati.
Totlajtlakoluan te tikinmita,
techtlapojpolui, techiknomati.
Otechko ika ieso Jesús;
tikchiuaskej tlen te titechmachtis.
2. Tiyolpakij ijkuak titechmaka
ixtlamatilis tlen techyekana.
Xitechmachti moTlajtol melauak,
ijkon toyelis yetos chipauak.
Tikpia Dios miak chikaualis,
te titechmaka tlapaleuilis.
MoTekiuajkayo techmakixtis,
ik non moneki niktematiltis.
3. Nochtin tejuan titetlapouiskej
itech ninmej tlateochiualismej:
moTekiuajkayo kitlajtlamis
nochi tlajyouilis uan mikilis.
Cristo kitlamis tlen amo kuali,
nochtin tikpiaskej miak pakilis.
Titlakuikaj chikauak nochipa:
¡ma tikueyichiuakan Dios Jehová!
(Noijki xikita Sal. 65:2, 4, 11; Filip. 4:6.)