Zaj Nkauj 14
Ua Txhua Yam Tshiab
(Qhia Tshwm 21:1-5)
1. Tej uas muaj tshwm sim qhia tias Vajtswv pib kav.
Vajtswv twb tsa nws Leej Tub sawv ua vaj.
Ntsuj rog nyob saum ntuj nws twb ntaus yeej tas,
Tsis ntev hauv ntiajteb yuav muaj li Nws xav.
(TXAIS)
Zoo siab! Vajtswv twb nyob nrog neeg,
Thiab nws tus kheej nrog lawv txhua leej.
Tsis muaj kev mob los yog kev quaj lawm,
Tsis muaj kev ploj los yog kev tuag lawm;
Vajtswv hais tias: ‘Kuv yuav tsim txhua yam tshiab.’
Cov lus no muaj tseeb thiab tiag.
2. Cia txhua tus pom lub nroog Yeluxalees Tshiab,
Tus Menyuam Yaj tus nkauj nyab tseev zam ntxhias.
Nws tu cev zam nyiaj thiab kub ua laim txias,
Yehauvas yog nws lub teeb ci ntsa iab.
(TXAIS)
Zoo siab! Vajtswv twb nyob nrog neeg,
Thiab nws tus kheej nrog lawv txhua leej.
Tsis muaj kev mob los yog kev quaj lawm,
Tsis muaj kev ploj los yog kev tuag lawm;
Vajtswv hais tias: ‘Kuv yuav tsim txhua yam tshiab.’
Cov lus no muaj tseeb thiab tiag.
3. Lub nroog tshiab yuav ua rau txhua tus neeg zoo siab.
Tej rooj vag yuav qheb txhua hnub txhua hmo cia.
Txhua haiv neeg yuav taug nws txojkev ntsa iab;
Vajtswv cov tub qhe thov ci li ntawd thiab.
(TXAIS)
Zoo siab! Vajtswv twb nyob nrog neeg,
Thiab nws tus kheej nrog lawv txhua leej.
Tsis muaj kev mob los yog kev quaj lawm,
Tsis muaj kev ploj los yog kev tuag lawm;
Vajtswv hais tias: ‘Kuv yuav tsim txhua yam tshiab.’
Cov lus no muaj tseeb thiab tiag.
(Rho ntawm Mth. 16:3; QTsh. 12:7-9; 21:23-25.)
