Kʼaay 17
¡Chúukpajak a wóoleʼex, j-Jaajkunajeʼex!
1. U kaajal Dioseʼ ku yeʼesik chúukaʼan yóol,
mantatsʼ táan u kʼaʼaytik le maʼalob péektsiloʼ.
Jéeoba Dios xan tsʼáaiktiʼob u muukʼil
kex tumen Kʼaasilbaʼal maʼ uts tu tʼaaniʼ.
(CORO)
¡Teʼexeʼ meyajteʼex Jéeoba yéetel chúukaʼan óol!
Dioseʼ yaan u tsʼáaikteʼex jach yaʼabach utsiloʼob.
Teʼexeʼ tsikbalteʼex tsʼoʼok u náatsʼal xan u kʼiin
utiaʼal u yantal le Paraísooʼ.
2. Le máax utsoʼ maʼ tu kaxtik chéen yutsil,
letiʼeʼ kiʼimak yóol kex tuláakal máak pʼekmil.
Mantatsʼ chéen baʼax maʼalob ku beetik,
sáamsamal chúukaʼan óolal xan ku yeʼesik.
(CORO)
¡Teʼexeʼ meyajteʼex Jéeoba yéetel chúukaʼan óol!
Dioseʼ yaan u tsʼáaikteʼex jach yaʼabach utsiloʼob.
Teʼexeʼ tsikbalteʼex tsʼoʼok u náatsʼal xan u kʼiin
utiaʼal u yantal le Paraísooʼ.
3. Yaʼab máakoʼob pʼaʼastik u Reino Jéeoba Dios,
jach maʼatech u creertkoʼob le baʼaxoʼob kiaʼalikoʼ.
Koʼoneʼex kiliʼichkúunsik u kʼaabaʼ
yéetel koʼoneʼex xan kʼaʼaytik tiʼ tuláakal.
(CORO)
¡Teʼexeʼ meyajteʼex Jéeoba yéetel chúukaʼan óol!
Dioseʼ yaan u tsʼáaikteʼex jach yaʼabach utsiloʼob.
Teʼexeʼ tsikbalteʼex tsʼoʼok u náatsʼal xan u kʼiin
utiaʼal u yantal le Paraísooʼ.
(Ilaʼak xan Fili. 1:7; 2 Tim. 2:3, 4; Sant. 1:27.)
