La 18
Mawu Suɔmi Nɛ Ngɛ Daa
(Yesaya 55:1-3)
1. Mawu suɔmi ngɛ daa.
Suɔmi n’ɔ woɔ wa bua daa.
Suɔmi ha e tsɔ e Bi
Nɛ e ba gbo kɛ kpɔ wɔ,
Konɛ a bu wɔ da-li
Kɛ ha neneene wami.
(NƆ HEMI)
Nyɛ nɛ ku-ma ngɛ nyɛ yee,
Nyɛ ba nu wam’ nyu ya-ka.
Nyɛɛ ba nɛ nyɛ ba nu nyu;
Ma-wu suɔ-mi ngɛ daa.
2. Mawu suɔmi ngɛ daa.
E nítsumi tsuo tsɔɔ jã.
E je suɔmi n’ɔ hu kpo,
Nɛ e wo Kristo matsɛ
Kɛ ye e si womi nɔ.
Hyɛ! A fɔ e Nɔyemi.
(NƆ HEMI)
Nyɛ nɛ ku-ma ngɛ nyɛ yee,
Nyɛ ba nu wam’ nyu ya-ka.
Nyɛɛ ba nɛ nyɛ ba nu nyu;
Ma-wu suɔ-mi ngɛ daa.
3. Mawu suɔmi ngɛ daa.
Nyɛ ha waa suɔ nimli jã.
Waa ye bua he si bali
Konɛ a le Ma’u he ní.
Nyɛ ha waa fiɛɛ kɛ hɛdɔ,
Nɛ waa wo nimli a bua.
(NƆ HEMI)
Nyɛ nɛ ku-ma ngɛ nyɛ yee,
Nyɛ ba nu wam’ nyu ya-ka.
Nyɛɛ ba nɛ nyɛ ba nu nyu;
Ma-wu suɔ-mi ngɛ daa.