گیت نمبر ۱۹
فردوس کا وعدہ
(لوقا ۲۳:۴۳)
۱. کیا ہی شاندار خدا کا وعدہ
کہ یہ زمین فردوس ہوگی
مٹا دے گا مسیح سب گُناہ
اور دُکھ تکلیف پھر نہ ہوگی
فردوس بنے گی یہ زمین
ہمارا ہے اِس پہ یقین
وعدہ خدا کا ہے حسین
مسیح سے ہو اِس کی آمین
۲. تُو میرے ساتھ فردوس میں ہوگا
کِیا مسیح نے یہ وعدہ
کرے گا وہ مُردوں کو زندہ
نبھائے گا ہر اِک وعدہ
فردوس بنے گی یہ زمین
ہمارا ہے اِس پہ یقین
وعدہ خدا کا ہے حسین
مسیح سے ہو اِس کی آمین
۳. مسیح زمین پر راج کرے گا
ہوگا فردوس سارا جہاں
سو شکر کر تُو اپنے رب کا
ہاں، کرے حمد سارا جہاں
فردوس بنے گی یہ زمین
ہمارا ہے اِس پہ یقین
وعدہ خدا کا ہے حسین
مسیح سے ہو اِس کی آمین
(متی ۵:۵؛ ۶:۱۰؛ یوح ۵:۲۸، ۲۹ کو بھی دیکھیں۔)
