1. Benɛ hɛ yuli maa hyɛ nɔ́.

Nimli nɛ nui nɔ́ maa nu nɔ́.

Mɔmɔhi maa puɛ ngɛ nga nɔ.

Nyu maa ba zugba gbigbli nɔ.

Glɔtsɛ maa tuu kaa odabɔ.

Benɛ suɔlɔ ko be gboe hu,

O ma ná jɔɔmi fuu nitsɛ;

Ke o hɛ ngɛ hiɔwo ɔ nɔ.

2. Benɛ mumui maa tu munyu,

Benɛ bwɔmi be si hie hu,

Benɛ zugb’a maa ba ní fuu

Nɛ ní kpakpahi maa pɔhe,

Jokuɛwi ma la la ngɔngɔɛ,

Bua jɔmi maa hi he tsuaa he,

Nɛ ni gbogboehi maa te si;

Ke o hɛ ngɛ hiɔwo ɔ nɔ.

3. Ogbetee kɛ to maa ye ní,

Osisiblisi kɛ na bi

Maa bu si ngɛ he kake nɛ,

Jokuɛ nyafii ma kpaka mɛ.

Benɛ nɔ ko be ya foe hu,

Nɛ́ gbeye kɛ nɔ́ nami be,

Mawu maa pee en’ɔ ha mo;

Ke o hɛ ngɛ hiɔwo ɔ nɔ.