Pina 24
Mu Talimele Mupuzo!
1. Libofu ha li ka bona,
Bo susu ha ba ka utwa,
Lihalaupa li fele
Mi ku lona ku zwe mezi,
Lihole li tula-tule,
Lifu ni lona li zwiswe,
Mu ka li bona ze cwalo
Ha mu talima mupuzo.
2. Limumu li ka bulela,
Ha ku sa na busupali,
Lico li ka ba ze ñata,
Ze nde ha li na ku fela,
Banana ba ka wabelwa,
Tabo i ka ba ye tuna,
Mu bone bafu ba zuha,
Ha mu talima mupuzo.
3. Sitongwani si be ni ngu,
Libere ni manamani.
Li ka sotezwa ki mwana,
Li ka mu utwa ha biza.
Miyoko i ka takulwa,
Ze butuku li ka fela,
Mi zeo mu ka li bona
Ha mu talima mupuzo.
(Mu bale ni Isa. 11:6-9; 35:5-7; Joa. 11:24.)