သီချင်း ၂၄
ဆုလာဘ်တော်ကို မျက်ခြည်မပြတ်စေနှင့်
၁။ မျက်မမြင်များ မျက်စိမြင်လာ၊
အကြားချို့ယွင်းသူများ ကြားရ၊
ပွင့်လန်းပန်းများ ကန္တာရတွင်း၊
ခြောက်သွေ့ရပ်မှာ ရေလျဉ်ဖြတ်ဆင်း၊
ခြေဆွံ့သူများ ပြေးလွားခုန်ကာ၊
ချစ်သောသူချင်း ဘယ်တော့မကွာ၊
ကြုံတွေ့ရမှာ ကောင်းမြတ်ချိန်ခါ၊
ဆုလာဘ်တော် မျက်ခြည်မပြတ်က။
၂။ စကားပြန်ပြော ဆွံ့အ,သူများ၊
အိုမင်းသူများ ပြန်နုပျိုလာ၊
မြေကြီးသီးထွက် ကြွယ်ဝအမြဲ၊
ကောင်းမြတ်နှစ်သက်စရာမစဲ၊
ကလေးဆိုတေးသံ ပျံ့ကာနေ၊
ရွှင်လန်း၊ ငြိမ်ဝပ်မှု လွှမ်းခြုံပေ၊
သေသောသူ ထမြောက်လာ မြင်မှာ၊
ဆုလာဘ်တော် မျက်ခြည်မပြတ်က။
၃။ မြေခွေးနှင့်သိုးငယ် စား အတူတူ၊
ဝံပေါက်နှင့်နွားငယ် ကစား အတူတူ
လူကလေးထိန်းကျောင်း ခေါ်ဆောင်လေရာ၊
အရေးစိုက်နားထောင် သူတို့လိုက်သွား။
ပူဆွေးနာကြည်း ကျမျက်ရည်များ၊
ကြောက်ခြင်း၊ နာခြင်းတွေ ပျောက်ကုန်မှာ၊
ဘုရားပြုလုပ်ပေးတာ မြင်မှာ၊
ဆုလာဘ်တော် မျက်ခြည်မပြတ်က။
(ဟေရှာ. ၁၁:၆-၉; ၃၅:၅-၇; ယော. ၁၁:၂၄ တို့ကိုလည်းကြည့်ပါ။)