Kʼaay 24
¡Tsʼáa a wóol a kaxt le siibaloʼ!
1. Ken paakatnak le chʼóopoʼoboʼ,
ken uʼuyajnak le kóokoʼoboʼ,
ken k-il xan bix kun xíitlu lool
le xíiwoʼob teʼ desiertoʼoboʼ.
Ken síitʼnak le máax móoch xanoʼ,
ken pʼáatak naʼan le kíimiloʼ.
Tsʼáa wóol a kaxt le siibaloʼ
tiaʼal a wilik le kuxtaloʼ.
2. Le ken tʼaanak le tootoʼoboʼ,
ken xuʼuluk xan le chʼíijiloʼ,
le ken yanak baʼax jaantbiliʼ,
ken jach yanak baʼax maʼalobiʼ,
ken kʼaaynak mejen paalaliʼ,
ken yanak kiʼimak óolaliʼ.
Tsʼáa wóol a kaxt le siibaloʼ
tiaʼal a wilik le kuxtaloʼ.
3. Ken múul janak le baʼalcheʼoboʼ,
le suuk yéetel le tsʼíikoʼoboʼ,
juntúul chan paal kun nuʼuktikoʼob
yéetel tu paach xan kun binoʼob.
Ken xuʼuluk u yantal okʼol,
ken xuʼulsaʼak tiʼ le saajkiloʼ,
Tsʼáa wóol a kaxt le siibaloʼ
tiaʼal a wilik le kuxtaloʼ.
(Ilaʼak xan Isa. 11:6-9; 35:5-7; Juan 11:24.)