Pese 26
Ia Savavali ma le Atua!
(Mika 6:8)
1. Ia savavali ma Ieova;
Ma le lotomaulalo.
Ia faamaoni i le Atua
Lo tatou Aʻoaʻo.
Ia tausi āna upu moni,
E matuā aogā.
Na te taʻitaʻiina
Tatou pei se tamā.
2. Ia savavali ma Ieova
Ma le amio mamā.
Ia maua le poto atoatoa
Mai lana Afioga.
O mea lelei, moni, ma tonu,
Ia manatua pea.
Tūmau ma faamoemoe
Atoa i le Atua.
3. Ia savavali ma Ieova
Ma le faamaoni.
E te maua ai le lotomalie,
Maʻeu ona lelei.
Ia savavali ma le Atua,
Ia viʻia o ia.
Galuega mai iā Ieova,
Maua ai le fiafia.
(Tagaʻi foʻi i le Kene. 5:24; 6:9; Fili. 4:8; 1 Timo. 6:6-8.)
