Awit 26
O Lumakad na Kasama ng Diyos!
1. O lumakad na kasama
Ng Diyos sa kahinhinan.
Maging tapat kasama niya;
Siya’y ’yong kalakasan.
Kumapit sa salita niya,
’Di ka masisinsay;
Katulad ng munting bata,
Sa Diyos ka paakay.
2. O lumakad na kasama
Ng Diyos sa kalinisan.
Huwag magbalik; sumulong ka,
Upang sang-ayunan.
At kung alin ang dalisay
At kaibig-ibig,
Isipin mo’t nang tumibay,
Sa Diyos ka manalig.
3. O lumakad na kasama
Ng Diyos sa katapatan.
Kasiyaha’t pagpapala,
Inyong makakamtan.
Sa Diyos makialinsabay,
Siya ay papurihan.
Ang kagalakan na tunay,
Dulot ng Kaharian.
(Tingnan din ang Gen. 5:24; 6:9; Fil. 4:8; 1 Tim. 6:6-8.)