Kʼaay 26
Ilawil a xíimbal yéetel Dios
1. Naatsʼ tiʼ Dios xíimbalnen mantatsʼ,
sen yaabilt baʼax jach jaaj.
Wa yaantech chúukaʼan óol xaneʼ
muukʼ ken u tsʼáa tiʼ teech.
Wa teech ka beetik baʼax tojeʼ
mix máak ken u tusech.
Wa ka chaʼik xan u yáantkecheʼ
yaan u kanáantikech.
2. Naatsʼ tiʼ Dios xíimbalnen mantatsʼ,
maʼ lúubul tiʼ baʼax kʼaas.
Ka yiijchajak a tuukul xan
tiaʼal ku kʼamech Jéeoba.
Kʼaʼabéet a beetik sáamsamal
baʼax uts ich a kuxtal.
Jach kʼub a wóol chéen tiʼ Jéeoba
utiaʼal maʼ sajaktal.
3. Naatsʼ tiʼ Dios xíimbalnen mantatsʼ,
beyoʼ yaan a kuxtal
jach toj yéetel ich kiʼimak óol
bey xan ich jeetsʼel óol.
Naatsʼ tiʼ Dios xíimbalnen mantatsʼ,
nojbeʼenkúuns yéetel kʼaay.
Yaan xan u tsʼáaiktech kiʼimak óol
u Reino Jéeoba Dios.
(Ilaʼak xan Gén. 5:24; 6:9; Fili. 4:8; 1 Tim. 6:6-8.)