Canción 33
“Non lles teñades medo”
1. Pobo meu, avanza sempre,
non te deixes achicar.
Gran coraxe ti terás
para a todos pregoar
que Xesús é gobernante,
contra o Demo xa gañou.
Vitorioso no futuro
loitará a favor de vós.
(REFRÁN)
Non temades, queridiños,
ós que son ruíns e crueis.
A meniña dos meus ollos
sodes vós, meus servos fieis.
2. Ameazas e maldades,
trampulladas e desdén,
os malvados van usar
pra tentar a vosa fe.
Non te engruñes, meu guerreiro,
eu ben te defenderei,
ó teu lado loitarei,
endexamais te deixarei.
(REFRÁN)
Non temades, queridiños,
ós que son ruíns e crueis.
A meniña dos meus ollos
sodes vós, meus servos fieis.
3. Nunca temas que te esqueza,
eu son forza, son poder.
Se chegases a morrer,
eu te resucitarei.
Ó que mata só o corpo,
medo non lle tes que ter.
Ata o fin mantente fiel
que eu te recompensarei!
(REFRÁN)
Non temades, queridiños,
ós que son ruíns e crueis.
A meniña dos meus ollos
sodes vós, meus servos fieis.
(Ver tamén Dt. 32:10; Neh. 4:8 [4:14, NM]; Sal. 59:2 [59:1, NM]; 83:3, 4 [83:2, 3, NM].)
