Pina 33
Mu si ke Mwa ba Saba!
1. Batu ba ka, za Mubuso
Ha mu li zibahaze.
Lila mu si li sabi.
Ha mu pake kwa batu
Kuli Kreste se a busa;
Sila se a si tuzi,
Mi Satani u ka tamwa,
Batu ba lukululwe.
(KORASI)
Balatiwa, mu si sabi,
Niha ba mi fumbela.
Na ni ka mi babalela
Sina taku ya liito.
2. Lila niha li atile,
Niha li mi nyefula,
Niha li mi menyeza
Kuli li mi keluse,
Batu ba ka, mu si sabi,
Niha li mi nyandisa.
Kakuli ya sepahala
Ni ka mu lamulela.
(KORASI)
Balatiwa, mu si sabi,
Niha ba mi fumbela.
Na ni ka mi babalela
Sina taku ya liito.
3. Ha ni na ku mi libala;
Ki na tebe ya mina.
Niha mu shwela mwa ndwa,
Lifu ni ka li fenya.
Ba ba bulaya mubili
Mu si ke mwa ba saba.
Mu sepahale kamita;
Ni ka mi fa bupilo!
(KORASI)
Balatiwa, mu si sabi,
Niha ba mi fumbela.
Na ni ka mi babalela
Sina taku ya liito.
(Mu bale ni Deut. 32:10; Neh. 4:14; Samu 59:1; 83:2, 3.)