Pese 33
Aua Neʻi Matataʻu iā i Latou!
1. Ia agaʻi i luma
Oʻu tagata uma.
Aua le matataʻu.
Talaʻi i tagata
O le a faaumatia
E loʻu Atalii
O Satani, lea na lafo
Mai i le lalolagi.
(TALI)
Aua tou te matataʻu
I tagata leaga.
O aʻu auauna pele,
Ou te leoleoina.
2. E ui ina toʻatele
Ma faafefe mai fili,
Latou te tauemu mai,
Ma amio faasausili.
Aua neʻi matataʻu
Iā latou sauāga,
Ou te tausia outou e
Oo i le iʻuga.
(TALI)
Aua tou te matataʻu
I tagata leaga.
O aʻu auauna pele,
Ou te leoleoina.
3. E lē galo lava outou;
O aʻu le talitā.
Pe oo mai le oti,
Ae toe maua le ola.
Ia lē matataʻu i ē
Fasiotia le tino.
Ia tumau, faamaoni;
E tou te manumalo.
(TALI)
Aua tou te matataʻu
I tagata leaga.
O aʻu auauna pele,
Ou te leoleoina.
(Tagaʻi foʻi i le Teu. 32:10; Nee. 4:14; Sala. 59:1; 83:2, 3.)
