పాట 33
శత్రువులకు భయపడకండి!
1. ఓ నా ప్రజలారా మీరు సువార్త పనిచేస్తూ,
సాగిపోండి ముందుకు. ధైర్యాన్ని కోల్పోవద్దు.
సాతాన్ని పడద్రోశాడు నా సుతుడైన క్రీస్తు.
త్వరలో బంధించి వాణ్ణి విమోచించున్ మిమ్మును.
(పల్లవి)
నా ప్రియ సేవకుల్లారా,
వైరికి భీతిల్లొద్దు.
కాపాడతాను మిమ్మల్ని
కనుపాపల్లా నేను.
2. శత్రువులు వేవేలున్నా ఎగతాళి చేసినా
దూషించి హింసించినా జడియద్దు ఏమైనా.
నేను మీకు తోడైవుంటా నా ప్రియ యోధుల్లారా.
ధైర్యమునిస్తా మెండుగా రక్షిస్తా కడదాకా.
(పల్లవి)
నా ప్రియ సేవకుల్లారా,
వైరికి భీతిల్లొద్దు.
కాపాడతాను మిమ్మల్ని
కనుపాపల్లా నేను.
3. శత్రువులు క్రూరులైనా అండగా నేనుంటాను.
మీకెందుకు భయము? అందిస్తా నా హస్తము.
ప్రాణాలు తీయడం తప్ప చేయలేరేమీ వారు.
నమ్మకంగా ఉంటే మీరు ఇస్తా జీవాన్ని నేను.
(పల్లవి)
నా ప్రియ సేవకుల్లారా,
వైరికి భీతిల్లొద్దు.
కాపాడతాను మిమ్మల్ని
కనుపాపల్లా నేను.
(ద్వితీ. 32:10; నెహె. 4:14; కీర్త. 59:1; 83:2, 3 కూడా చూడండి.)