1. Xeen a kʼaʼayteʼex tiʼ tuláakal

baʼaxoʼob uts tu tʼaan Jéeoba.

Teʼexeʼ maʼ sajaktaleʼex,

mix bikʼin ken u pʼateʼex.

Aʼaleʼextiʼobeʼ Satanaseʼ

puʼul way Luʼum men Jesuseʼ.

Ich mil jaʼaboʼob yaan u kʼaʼalal

tiaʼal mu beetik k-kʼebantal.

2. Kex yaʼab máaxoʼob pʼekmileʼexeʼ

teʼexeʼ maʼ sajaktaleʼex,

bey xan wa kiaʼalaʼalteʼex baʼal

tiaʼal a lúubleʼex tiʼ baʼax kʼaas.

Maʼ u lúubul xan a wóoleʼex

wa yaan máaxoʼob pochʼikeʼex.

Yaan in kanáantik le máaxoʼob

chúukaʼan yóoloʼob tiʼ tenoʼ.

 3. Teneʼ mix bikʼin in tuʼubskeʼex,

jach jeʼel in kanáantkeʼexeʼ.

Kex ka kíimsaʼakeʼex xaneʼ

jeʼel in kaʼa kuxkíintkeʼexeʼ.

Kex ka máanseʼex talmiloʼobeʼ

teneʼ yaan in kanáantkeʼex.

Máax kun chúukpajal u yóoleʼ

yaʼab utsil ken u kʼame.