गीत ३४
आपल्या नावाला जागू या!
१. सामर्थ्यशाली, सनातन यहोवा,
प्रीती विशाल सागराहून तुझी!
न्यायी खरा तू, सुबुद्धीचा दाता,
राजाधिराज विश्वाचा गौरवी!
सेवेस धन्य, तू नेमिले आम्हा
राज्याची वार्ता जगी सांगण्या.
(कोरस)
साक्षी तुझे बहुमान हा मोठा,
बळ दे आम्हा या नावा जागण्या!
२. सेवेत हर्षितो बांधवांसंगे
लावुनी खांद्यास खांदा सदा.
सांगू तुझे सत्य, वाणी कृतीने,
ख्याती तुझी होवो दाही दिशां.
नाव तुझे तू दिले आम्हा बापा,
आम्ही झटू त्या स्तुती आणण्या!
(कोरस)
साक्षी तुझे बहुमान हा मोठा,
बळ दे आम्हा या नावा जागण्या!
(अनु. ३२:४; स्तो. ४३:३; दानी. २:२०, २१ देखील पाहा.)